24 440 quti noqonuniy tamaki savdosi oldi olindi

24 440 quti noqonuniy tamaki savdosi oldi olindi

Katta miqdordagi noqonuniy tamaki mahsulotlari savdoga chiqishidan avval to'xtatib qolindi.

Tezkor tadbir

Bosh prokuratura huzuridagi Departamentning Marg‘ilon shahar bo‘limi va IIB xodimlari hamkorligida tezkor tadbir o'tkazildi.

Bu tadbirda muqaddam tamaki savdosi bilan shug'ullanib kelgan M.X ismli fuqaro Rayhon ko'chasida qurilishi ta'minlanmagan binoda noqonuniy tamaki mahsulotlarini saqlab kelayotganligi aniqlangan.

4 turdagi sotuvga chiqishga ulgurmagan tamakilar

Binoda umumiy bahosi 220 million so'mga teng bo'lgan xorijda ishlab chiqarilgan 4 turdagi jami 24 440 quti tamaki mahsulotlari savdoga chiqarish maqsadida saqlab kelingan. 

Tadbir davomida tamaki mahsulotlari ashyoviy dalil sifatida olingan.

Jinoyat ishi

Mazkur holat yuzasidan Jinoyat kodeksining 25, 186-1-moddasi, ya'ni, etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish bilan jinoyat ishi qo‘zg‘atilib, tergov harakatlari o‘tkazilmoqda.