Tadqiqot: Dam olish kunlari ko‘proq uxlash yurak xastaliklari xavfini 20 foizga kamaytiradi

Dunyoda har 3 odamdan bittasi uyqu yetishmasligidan qiynaladi. Olimlar dam olish kunlari yetarlicha uxlaydigan odamlar yurak-qon tomir kasalliklaridan kamroq aziyat chekadi degan xulosaga kelishdi.

Dam olish kunlari ko‘proq uxlash

Uyqu yetishmasligini dam olish kunlari qoplash mumkinligi haqidagi tadqiqotlar ba’zi olimlarni hayratda qoldirdi. Ular tadqiqotda 90 mingdan ortiq britaniyaliklarning ma’lumotlarini o‘rganishdi. Ma’lum bo‘lishicha, dam olish kunlari ko‘proq uxlaydiganlar, shu bilan hafta davomida uyqu yetishmasligining o‘rnini to‘ldirib, uyqusizlikning salbiy ta’sirini kamaytiradi.

Dam olish kunlarida ish kunlariga qaraganda kamroq uxlaydiganlar bilan solishtirganda, dam olish kunlari muntazam ravishda uxlaydigan odamlarda yurak xastaliklari rivojlanish xavfi 20% ga kam bo‘lgan.

Uyqusiz tundan keyin qanday tiklanish kerak?

Tadqiqot mualliflaridan birining so‘zlariga ko‘ra, ish kunlaridagi uyqusizlikning o‘rnini dam olish kunlari ko‘proq uyqu bilan qoplash yurak-qon tomir kasalliklari, yurak yetishmovchiligi va insult xavfini kamaytirishga yordam beradi.

Tadqiqotchilar ko‘pchilik odamlar u yoki bu tarzda - yuqori darajadagi ish bosimi yoki oilaviy sabablar tufayli uyqu yetishmasligidan aziyat chekadigan zamonaviy jamiyat uchun bu ma’lumot muhimligini ta’kidladilar. 

Tanganing ikkinchi tomoni

Ammo ba’zi mutaxassislar uzoq muddatda faqat dam olish kunlaridagi qo‘shimcha uyquga tayanish sog‘liq uchun yetarli emasligini ta’kidlaydilar. Olim Melanie Richter uyqu yetishmasligini dam olish kunlari qoplash foydali bo‘lishi mumkinligini, lekin bu sog‘lom hayot uchun eng yaxshi yondashuv emasligini tushuntirdi. U doimiy ravishda yetarli uyqu olmaslik stress gormonlarining ko‘payishiga, metabolizmda nomutanosiblikka olib kelishini aytdi. Shu sababli, uyqu sifatini va miqdorini bir xil darajada ushlab turish, “uyqu banki”ga tayanmasdan, doimiy ravishda sifatli uyquga e’tibor qaratish muhimdir, chunki uyqu yetishmovchiligi yurak kasalliklari, qandli diabet va boshqa jiddiy sog‘liq muammolariga olib kelishi mumkin.