Endi Google qidiruvida “Kalmar o‘yini”ni o‘ynash mumkin

Google va Netflix kompaniyasi “Kalmar o‘yini” (Squid Game) ikkinchi mavsumi premyyerasi oldidan mashhur serialga bag‘ishlangan mini-o‘yinni ishga tushirdi. U shouning eng taniqli epizodlaridan birini takrorlaydi.

“Qizil chiroq - yashil chiroq”

O‘z kuchingizni sinab ko‘rish uchun Google qidiruviga Squid Game yoki Kalmar o‘yini deb yozing va ekranning pastki qismida paydo bo‘lgan jigarrang konvertni bosing.

“Qizil chiroq - yashil chiroq” o‘yinida sport kostyumidagi oltita belgini boshqarish kerak. Qo‘g‘irchoq orqaga o‘girilganda ko‘k tugmani bosib, ularni oldinga siljitish kerak va qo‘g‘irchoq o‘zining ehtimoliy qurbonlariga qaraganida ularni qizil xoch belgisi bilan to‘xtatish kerak. O‘yindagi xato qahramonlardan birining yo‘qotilishiga olib keladi.

Maqsad – targ‘ibot

Mini-o‘yin butun dunyo bo‘ylab mobil qurilmalarda ham, kompyuterlarda ham mavjud. Bu 26-dekabrda Netflix tarmog‘ida boshlanadigan serialning ikkinchi mavsumini targ‘ib qilish bo‘yicha katta kampaniyaning bir qismidir.

Bepul multipleyer va VR sarguzasht

Google o‘yinidan tashqari, Netflix barcha foydalanuvchilar uchun mavjud bo‘lgan “Squid Game: Unleashed” bepul multipleyer loyihasini, shuningdek, “Squid Game: Virtuals” VR sarguzashtini chiqardi. Bundan tashqari, kompaniya Puma, Xbox, Duolingo va Domino’s kabi yirik brendlar bilan hamkorlikka kirishdi.

Eslatib o‘tamiz, serial uchinchi va oxirgi mavsumga ham ega. Uning premyyerasi 2025 yilga mo‘ljallangan.