Noqonuniy 4,5 tonna spirt to‘xtatib qolindi
Farg'onalik fuqaro qadoqlangan idishlarda antiseptik nomi ostida spirt tashigan.
1 daqiqa o‘qiladi
Noqonuniy 4,5 tonna spirt to‘xtatib qolindi
Farg'onalik fuqaro qadoqlangan idishlarda antiseptik nomi ostida spirt tashigan.
Tezkor tadbir
Bosh Prokuratura huzuridagi departamentning Toshkent viloyati boshqarmasi tomonidan IIB xodimlari bilan hamkorlikda tezkor tadbir o‘tkazildi.
Unda Farg‘onalik fuqaro Xorazm viloyatiga sotish uchun "Isuzu" rusumli yuk mashinasida tegishli hujjatlari mavjud bo‘lmagan, har biri 5L. hajmdagi idishlarga qadoqlangan va ustiga antiseptik yozuvi tushirilgan qalbaki 900 dona, jami 4,5 tonna spirt mahsulotlari olib ketilayotgani aniqlangan.
Ekspertiza xulosasi
Ekspertiza xulosasiga ko‘ra, 5L. idishlarda antiseptik nomi bilan qadoqlangan mahsulot aslida etil spirti ekanligi qayd etilgan.
Bundan tashqari, mahsulotning bahosi 157,5 million ekanligi ma’lum qilingan.
Jinoyat ishi
Mazkur qonunbuzarlik ishi sababli jinoyat ishi qo‘zg‘atilib, tergov harakatlari boshlab yuborilgan.
