1 015 ta tadbirkorlik subyektida soliq auditi oʻtkazildi

Bugungi kunda, aniqlangan soliq summalaridan toʻlov muddati kelganlarning 14,2% i toʻlab berildi.

1 015 ta tadbirkorlik subyektida soliq auditi

Joriy yilning yanvar-iyun oylarida soliq xizmati organlari tomonidan soliqlarni toʻlamaslik xavfi yuqori boʻlgan 1 015 ta tadbirkorlik subyektida soliq auditi oʻtkazildi. Bu ushbu davrda faoliyat koʻrsatgan jami soliq toʻlovchilarning (547,4 ming) 0,18 foizini tashkil etadi.

-        Aniqlangan soliq xavfi summasi – 1 951,2 mlrd. soʻm;

-        Soliq auditida aniqlangan summa – 2 681 mlrd. soʻm. 

Aniqlangan summalar sohalar kesimida

Soliq auditida aniqlangan summa sohalar kesimida:

-        savdo va umumiy ovqatlanish sohasida – 1 832 mlrd. soʻm (68,3%);

-        qurilish sohasida – 379,2 mlrd. soʻm (14,2%);

-        ishlab chiqarish sohasida – 193,9 mlrd. soʻm (7,2%);

-        xizmat koʻrsatish sohasida – 65,4 mlrd. so‘m(2,4%);

-        qishloq xoʻjaligi sohasida – 98,5 mlrd. soʻm (3,7%);

-        transport sohasida – 21,1 mlrd. soʻm (0,8%);

-        boshqa sohalarda – 90,9 mlrd. soʻm (3,4%).

Yashirilgan 4 149,1 mlrd. soʻmlik soliq bazasi

Oʻtkazilgan soliq auditlarida 323 ta soliq toʻlovchida 4 149,1 mlrd. soʻmlik soliq bazasi yashirilgan:

 176 ta subyektda 2 016,2 mlrd. soʻmlik realizatsiya qilingan tovarlar summasi koʻrsatilmagan;

 73 ta subyektda 1 128,2 mlrd. soʻmlik tovarlar inventarizatsiya paytida ombor yoki realizatsiya joyida mavjud boʻlmagan;

 74 ta subyektda 1 004,7 mlrd. soʻmlik kirim qilinmagan tovarlar saqlangan va (yoki) realizatsiya qilingan.

Bugungi kunda, aniqlangan soliq summalaridan toʻlov muddati kelganlarning 14,2% toʻlab berildi.