2024-yilda eng koʻp pul ishlab topgan shaxmatchilar reytingi: Ular ichida oʻzbek shaxmatchisi ham bor

2024-yilda shaxmat turnirlarida eng katta mukofot pullarini qoʻlga kiritgan shaxmatchilar roʻyxati eʼlon qilindi.

Kim eng ko‘p pul ishlab topdi?

Unga koʻra, 2024-yilda hindistonlik Gukesh Dommaraju hamda xitoylik Ding Liren eng koʻp daromad qilgan shaxmatchilar boʻlgan. Ularning har biri oʻtgan yili musobaqalardan 1 mln. dollardan pul yutib olgan.

Yil davomida peshqadamlikni bermagan Magnus Karlsen esa shaxmatdan biroz uzoqlashgani sababli daromad topishda liderlik qilolmagan. Biroq, shunday boʻlsa-da, u roʻyxatda 4-oʻrindan joy olgan. Karlsen 2024-yilda qariyb 633 ming dollar pul mukofotini qoʻlga kiritgan.

O‘zbek shaxmatchisi

Hamyurtimiz Nodirbek Abdusattorov esa ortda qolgan yilda oʻtgan musobaqalarda sal kam 133 ming dollarlik pul mukofotlariga ega chiqqan. Buning uchun u 12 ta asosiy turnirda ishtirok etgan.