Samsung 800 nafar o‘zbekistonlikni ish bilan ta’minlaydi

2025-yilda O‘zbekistondan 800 nafar malakali mutaxassis Samsung Heavy Industries kompaniyasida ish bilan ta’minlanadi. Bu haqda Migratsiya agentligi xabar berdi.

E-7 malakali mehnat vizasi

Ma’lum qilinishicha, kelishuv agentlik va kompaniyaning global kadrlar boshqaruvi rahbari Jinho Bae tomonidan imzolangan.

Ta’kidlash joizki, ishchilar E-7 vizasi bo‘yicha O‘zbekistonda tayyorlanib, keyin Janubiy Koreyada faoliyat yuritadi. E-7 malakali mehnat vizasi yuqori malakali mutaxassislarga uch yilgacha faoliyat yuritish imkonini beradi.

Samsung Heavy Industries

Samsung Heavy Industries (SHI) — Janubiy Koreyada joylashgan yirik va nufuzli og'ir sanoat kompaniyasidir. U asosan dengizda foydalaniladigan yirik inshootlar, kemalar va boshqa og'ir sanoat mahsulotlarini ishlab chiqaradi. SHI, Samsung Groupning bir qismi bo'lib, dunyo bo'ylab kemasozlik, neft platformalarini qurish, va og'ir sanoat texnologiyalarini ishlab chiqishda yetakchi hisoblanadi.