Dekabr oyida soliq inspektorlarining samaradorligi qanday bo‘ldi?

2024-yil dekabr oyida “Mahallalarda soliq organlari faoliyati” axborot tizimi asosida soliq inspektorlarining samaradorlik ko‘rsatkichlari (KPI) aniqlanib, umumiy reytingda 81 ball ko‘rsatildi.

Samaradorlik bo‘yicha yetakchi hududlar

• Toshkent shahri – 89%
• Surxondaryo viloyati – 85,1%
• Xorazm viloyati – 81%

Bu hududlarda inspektorlarning samaradorligi eng yuqori darajada ekani qayd etildi.

Inspektorlarning reyting natijalari

Mahallalarga biriktirilgan inspektorlarning dekabr oyi yakunlari quyidagicha:

• 90 va undan yuqori ball – 1 059 nafar inspektor (shundan 213 nafari 100 ball oldi) va mukofotlash uchun tavsiya qilindi.
• 80–90 ball oralig‘i – 1 553 nafar inspektor.
• 75–80 ball oralig‘i – 686 nafar inspektor.
• 75 dan past ball – 1 031 nafar inspektor.

Samaradorlikka doir umumiy ma’lumotlar

• Respublika bo‘ylab mahallalar soni: 9 453 ta
• Soliq inspektorlari soni: 4 329 nafar
• Umumiy KPI ko‘rsatkichi: 81 ball

Ushbu tizim bo‘yicha eng yaxshi natijalarga erishgan xodimlar mukofotlash tizimiga kiritilmoqda, past ball to‘plagan inspektorlar uchun esa qo‘shimcha o‘quv va tajriba almashish dasturlari ishlab chiqiladi.

“Mahallabay” tizimi soliq faoliyatini qanday o‘zgartirdi?

“Mahallabay” tizimi orqali soliq organlarining samaradorligi aniqlanib, inspektorlarning ish faoliyati aniq mezonlar asosida baholandi. Bu esa mahallalarda soliq to‘lovchilar bilan aloqani mustahkamlash, soliq yig‘imlarining oshishini ta’minlash va inspektorlarning ish sifatini yaxshilashga xizmat qildi.