Kuchli ta'sir qiluvchi dorilar savdosiga chek qo'yildi
Ikki mingdan ziyod psixotrop moddalarini sotish chog'ida fuqarolar dalillar bilan qo'lga olindi.
1 daqiqa o‘qiladi
Kuchli ta'sir qiluvchi dorilar savdosiga chek qo'yildi
Ikki mingdan ziyod psixotrop moddalarini sotish chog'ida fuqarolar dalillar bilan qo'lga olindi.
Taqiqlangan dorilar savdosi
Bosh prokuratura huzuridagi Departamentning Mirzo Ulug‘bek tuman bo‘limi va DXX xodimlari hamkorligida o‘tkazilgan tezkor tadbirda fuqaro G.S. 1 008 dona "Reduksin layt" hamda 1 020 dona "Pro Lipolytic" nomli kuchli ta’sir qiluvchi dori vositasini fuqaro M.X. ga 7,9 mln so‘mga sotgan vaqtida ashyoviy dalillar bilan ushlangan.
Qashqadaryodagi holat
Departamentning Qashqadaryo viloyat boshqarmasi va IIB xodimlari hamkorligida o‘tkazilgan tezkor tadbirda "S.B." MCHJga qarashli dorixona sotuvchisi M.U. xaridorga 45 dona kuchli ta’sir qiluvchi dori vositasini 700 ming so‘mga sotgan vaqtda ushlanib, dori vositalari ashyoviy dalil sifatida olingan.
Dorixonadagi savdo holati
Departamentning Taxiatosh va Qo‘ng‘irot tumani bo‘limlari tomonidan va IIV xodimlari bilan hamkorlikda o‘tkazilgan tezkor tadbirda dorixona sotuvchilari R.J. va D.S. ga tarkibida kuchli ta’sir qiluvchi moddalari bo‘lgan dori vositalarini sotgan vaqtlarida ushlanib, ushbu dorixonalardan jami 48 ta dori vositalari ashyoviy dalil sifatida olingan.
Jinoyat ishlari
Ushbu holatlar yuzasidan Jinoyat kodeksining tegishli moddalari bilan jinoyat ishlari qo'zg'atilib, tergov harakatlari amalga oshirilmoqda.
