Xalqaro Qirg‘iz-O‘zbek universiteti dekani jinoyatlari uchun qo‘lga olindi

MXX axboroti

Qirg‘iziston Milliy xavfsizlik davlat qo‘mitasi Qirg‘iz-O‘zbek xalqaro universiteti dekanini pora olayotgan paytda qo‘lga oldi. Bu haqda Qirg‘iziston MXX matbuot markazi xabar bergan.

Unga ko‘ra, universitetning gumanitar-pedagogika fakulteti dekani davlat imtihonlari vaqtida tovlamachilik bilan muntazam shug‘ullanib kelgan.

Talabalarga qarshi ish

Qirg‘iziston manbasining ma’lumotlariga qaraganda, 2 oy oldin ushbu fakultet dekani muovini davlat attestatsiya komissiyasi a’zolari bilan til biriktirib, o‘quvchilarni imtihondan yiqitish uchun sun’iy to‘siqlar yaratib, har bir o‘quvchidan 1,5 ming qirg‘iz somi, ya’ni 225 ming so‘mdan talab qilgan.

Bu talabga bo‘ysunmagan talabalar imtihonlardan yiqilar edi.

Jinoyat ishi va tergov

Avvalroq Qirg‘iziston Respublikasi Jinoyat kodeksining 343-moddasi "Tovlamachilik" bo‘yicha qo‘zg‘atilgan jinoyat ishi doirasida O‘sh Qirg‘iz-O‘zbek xalqaro universiteti gumanitar-pedagogika fakulteti dekanining o‘rinbosari qo‘lga olinib, MXX tergov izolyatorida 2 oy davomida saqlangan.

Olib borilgan tergov-tezkor tadbirlar davomida dekanning korrupsion sxemaga aloqadorligi aniqlangan. U ham ikki sutkaga MXX tergov izolyatorining vaqtinchalik saqlash izolyatoriga joylashtirildi.