“Tashabbusli byudjet – 2025” qachon boshlanadi?

Iqtisodiyot va moliya vazirligi 2025-yil uchun “Ochiq budjet” portalida jamoatchilik ishtirokida o‘tkaziladigan loyihalar taqvimi e’lon qildi.

“Tashabbusli byudjet”ning birinchi mavsumi

Taqvimga ko‘ra, “Tashabbusli byudjet”ning birinchi mavsumiga 1-fevral kuni start beriladi. Ovoz berish jarayoni 11-martdan 20-martgacha davom etadi, g‘oliblari 21-mart kuni — Navro‘z bayramida e’lon qilinadi.

Ikkinchi mavsum

Loyihaning ikkinchi mavsumi iyul-avgust oylarida o‘tkaziladi. Loyihalarni kiritish 15-iyuldan 3-avgustgacha, ovoz berish esa 22-avgustdan 31-avgustgacha davom etadi. G‘olib loyihalar 1-sentabr kuni — Mustaqillik bayramida ma’lum bo‘ladi.

“Mening maktabim” va “Mening bog‘cham”

Bundan tashqari, yanvar oyida 2024−2025-o‘quv yili uchun “Mening maktabim” loyihasi bo‘lib o‘tadi. Ovoz berish 13−17-yanvar kunlari o‘tkaziladi.

Loyihaning 2025−2026-o‘quv yili uchun mavsumi oktyabr oyiga mo‘ljallangan. Loyihalarni kiritish 1−10-oktyabrda, ovoz berish esa 21−30-oktyabr kunlari bo‘ladi.

“Mening bog‘cham” loyihasi esa 1−10-iyun kunlari o‘tkaziladi.