Quvayt O'zbekistonda onkologik kasalliklarni erta aniqlash markazi qurmoqchi
Quvayt kompaniyasi delegatsiyasi Toshkent viloyati hokimi Zoir Mirzayev bilan muzokara o‘tkazdi.
1 daqiqa o‘qiladi
Quvayt O'zbekistonda onkologik kasalliklarni erta aniqlash markazi qurmoqchi
Quvayt kompaniyasi delegatsiyasi Toshkent viloyati hokimi Zoir Mirzayev bilan muzokara o‘tkazdi.
Tibbiy markaz va xodimlar tayyorlash
Quvayt Toshkent viloyatida onkologik kasalliklarni erta aniqlash markazini qurmoqchi. Bunda Toshkent viloyatida onkologik kasalliklarni erta aniqlash bilan bog‘liq diagnostika markazini qurish, shuningdek, bu sohada malakali kadrlarni tayyorlash uchun tibbiyot muassasasini barpo etish mo‘ljallangan.
Investitsiyalar bo'yicha uchrashuv
O‘zbekiston elchixonasi ko‘magida Quvaytning Gulf General Trading Co. Ltd. kompaniyasi ishchi guruhi bilan Toshkent viloyatiga biznes-missiyasi tashkil etildi.
Quvayt kompaniyasi delegatsiyasi Toshkent viloyati hokimi Zoir Mirzayev bilan muzokara o‘tkazdi. Unda hamkorlik istiqbollari muhokama qilindi.
Hamkorlarga barcha ma'lumotlar berildi
Toshkent viloyatida xorijiy investorlarga uchun yaratilgan sharoitlar, taklif etilayotgan loyihalar va boshqalar haqidagi batafsil ma’lumotlar Quvayt tomoniga yetkazildi.
Muzokaralar yakunida o‘zaro hamkorlikning aniq yo‘nalishlari va unga investitsiyalar kiritish bo‘yicha dastlabki kelishuvlarga erishildi.
