2025-yil Buxoroga borish kerak – The New York Times

Amerikaning yetakchi nashri “The New York Times” Buxoro shahrini 2025-yilda tashrif buyurishga arziydigan 52 ta eng yaxshi joy ro‘yxatiga kiritdi. Nashr Buyuk ipak yo‘lidagi muhim nuqta bo‘lgan ushbu qadimiy shaharga e’tibor qaratishga chaqirmoqda.

Buxoro biennalesi

Maqolada 2025-yilning kuzida Buxoroda birinchi marotaba zamonaviy san’atni o‘zida namoyon etadigan Buxoro biennalesi bo‘lib o‘tishi qayd etilgan. 5-sentabrdan 20-noyabrgacha bo‘lib o‘tadigan tadbirda jahonning mashhur rassomlari, jumladan, britaniyalik haykaltarosh Entoni Gormli va boshqa taniqli ustalarning asarlari namoyish etiladi.

Biennale qayerlarda o‘tkaziladi?

Biennale shaharning tarixiy markazida, bir necha asrlardan beri mavjud bo‘lgan karvonsaroylar, diniy maktablar va islom madaniyatining boshqa meʼmoriy durdonalar oʻrtasida oʻtkaziladi.

Bundan tashqari, “The New York Times” gazetasi o‘z o‘quvchilariga o‘tgan yili parvoz qila boshlagan “Silk Avia” va “Air Samarkand” milliy aviakompaniyalari tufayli O‘zbekiston bo‘ylab sayohat ancha osonlashganini qayd etgan.