Nukus innovatsion instituti yana bir xalqaro reytingdan muhim o‘rin oldi

2024-yilning yakuniga kelib “UI GreenMetric World University Rankings — 2024” (UI GreenMetric Jahon universitetlari reytingi — 2024 ) reytingi e’lon qilindi.

Ushbu nufuzli jahon reytingida Qoraqalpog‘iston Respublikasida birinchilardan bo‘lib faoliyat boshlagan xususiy oliy ta’lim muassasasi — Nukus innovatsion instituti munosib o‘rinni egalladi.

Ayni paytda Nukus innovatsion instituti ushbu nufuzli jahon reytingida dunyodagi 30 mingdan ortiq OTMlar ichida 1364-o‘rinda, O‘zbekistondagi 200 dan ortiq OTMlar ichida 50-o‘rinda bormoqda.

Ma‘lumot uchun, “UI GreenMetric World University Rankings” xalqaro reytingi 2010-yilda tashkil etilgan bo‘lib, jahondagi nufuzli OTMlar 39 ta ekologik me’zon bo‘yicha hamda 6 ta muhim ko‘rsatkichlar orqali ekologik majburiyatlar va tashabbuslaridan kelib chiqib aniqlanadi.

Eslatib o‘tamiz, bundan bir muddat oldin Nukus innovatsion instituti “World University Rankings — 2025” jahon reytingiga kirish uchun nomzod — “Reporter” maqomiga ega bo‘lgandi. 

Reklama huquqi asosida.