“Qora dayjest”: 2024-yil 24-dekabr voqealari

Taniqli aktrisa Shafoat Rahmatullayeva vafot etdi

Oʻzbekiston xalq artisti, teatr va kino aktrisasi Shafoat Rahmatullayeva 83 yoshda vafot etdi.

U koʻp yillar davomida teatr sohasida faoliyat yuritib kelgan. Shuningdek, kinofilmlarda turli rollarni ham ijro etgan.

Shafoat Rahmatullayeva oʻzining yorqin va mazmunli rollari orqali tomoshabinlar qalbidan oʻrin olgan.

Tataristondagi fermada yuz bergan yong‘inda besh nafar Oʻzbekiston fuqarosi halok boʻldi

Tataristondagi xususiy chorvachilik fermasida sodir boʻlgan yong‘in oqibatida olti kishi halok boʻldi, ulardan besh nafari Oʻzbekiston fuqarolari edi, deb xabar bermoqda Baza.

“Malorechenskiy qishlog’ida chorvachilik majmuasi hududida ishchilar vaqtinchalik yashash uchun moʻljallangan uy yonib ketdi. Xonada 39 kishi bor edi. 33 kishi oʻz-oʻzidan chiqib ketgan, ulardan biri yaralangan. Yongʻinni oʻchirish vaqtida boʻlim oʻt oʻchiruvchilari 6 kishining jasadini topdi”, — deyiladi Rossiya Favqulodda vaziyatlar vazirligining Telegram-kanalida.

Shuningdek, yetti kishi jarohatlangani qayd etilgan.

300 kvadrat metr uchun ochiq yonish. m. Rossiya Favqulodda vaziyatlar vazirligining 14 nafar mutaxassisi va toʻrtta texnikasi tomonidan yoʻq qilindi. Dastlabki ma’lumotlarga koʻra, hamma narsa elektr jihozlarini ishlatish qoidalarining buzilishi tufayli sodir boʻlgan.

Qadimiy tangalarni yashirincha olib chiqib ketayotgan fuqaro qoʻlga olindi

Buxoro viloyatida “Buxoro – Vnukovo” yoʻnalishidagi aviareys orqali xorijiy davlatga uchib ketayotgan fuqaro respublika hududidan madaniy meros ashyolarini yashirincha olib chiqishga uringan vaqtida toʻxtatib qolindi.

Natijada, jami 22 dona qadimiy tangalar ashyoviy dalil sifatida vaqtincha saqlovga olindi. Dastlabki ma’lumotlarga koʻra, mazkur tangalar XX asrda zarb etilgan boʻlib, ular Rossiya imperiyasi hamda Sovet Ittifoqi davriga oidligi taxmin qilinmoqda. Shuningdek, ba’zi tangalar Avstriya-Vengriya yoki Germaniya imperiyasiga tegishli boʻlishi ham mumkin.

Hozirda ushbu numizmatika ashyolari qadimiylik darajasini aniqlash va tarixiy ahamiyatini baholash maqsadida Buxoro viloyati madaniy meros boshqarmasiga badiiy ekspertizadan oʻtkazish maqsadida taqdim etildi.

Texnomart jarimaga tortildi

Raqobat qoʻmitasi tomonidan “Texnomart” MCHJ telegram kanalida joylashtirilgan “Eng zoʻr taklif” mazmunidagi mobil telefonlar reklamalarida mahsulot narxi va toʻlov shartlari boʻrttirib koʻrsatilganligi aniqlandi, deb xabar bermoqda Raqobat qoʻmitasi axborot xizmati.

Jumladan, VIVO Y03 telefoni uchun 213 167 soʻm oylik toʻlov, HONOR X7b telefoni uchun esa 274 167 soʻm etib koʻrsatilgan. Ammo qoʻmita tomonidan boshqa savdo doʻkonlaridagi ushbu markali mobil telefonlar narxlari solishtirilganda, “Texnomart” MCHJ savdo doʻkonlaridagi muddatli toʻlov narxlari nisbatan yuqoriligi kuzatilgan. Bundan tashqari, reklamada “eng”, “eng yaxshi” kabi orttiruvchi nisbatlar ishlatilgan, lekin bu daʼvolarni tasdiqlaydigan aniq dalillar taqdim etilmagan.

Yuqoridagi holatlar yuzasidan Qoʻmita Maxsus komissiyasi tomonidan “Texnomart” MCHJga nisbatan “Reklama toʻgʻrisida”gi hamda “Isteʼmolchilarning huquqlarini himoya qilish toʻgʻrisida”gi Qonunlarining tegishli moddalari talablari buzilishi bilan ish qoʻzgʻatilib, ishni koʻrib chiqish yakunlari boʻyicha moliyaviy jarima qoʻllash haqida qaror qabul qilindi.

MCHJga qonunbuzilish holatini bartaraf etish va kelgusida yoʻl qoʻymaslik yuzasidan koʻrsatma berilgan.

Rossiya Qozog‘istonda 7 mln. dollarlik firibgarlik ishida ayblanayotgan Oʻzbekiston fuqarosini ekstraditsiya qildi

Qozog‘iston juda koʻp miqdorda firibgarlik jinoyatini sodir etganlikda ayblanayotgan Oʻzbekiston fuqarosini Rossiyadan ekstraditsiya qildi. Bu haqda Qozog‘iston Bosh prokuraturasi xabar berdi.

Qayd etilishicha, gumonlanuvchi 2005 yildan 2007-yilgacha Olmaota qurilish kompaniyasida buxgalter boʻlib ishlagan va hujjatlar bilan qayd etilmagan qalbaki kvitansiyalarni yozgan. Uning harakatlari natijasida 80 dan ziyodan inson jabr koʻrgan va yetkazilgan zarar miqdori 3,7 milliard tengedan (7 million dollar) oshgan.

Gumonlanuvchining sheriklaridan biri sudlangan, oʻzbekistonlik ayol esa jinoyatni sodir etganidan keyin yashiringan, shu bois u xalqaro qidiruvga berilgan.

Rossiya huquq-tartibot idoralari 2023 yil oxirida Krasnodar viloyatida ushbu fuqaroni qoʻlga olgan va Qozog‘iston Bosh prokuraturasining soʻroviga muvofiq ayolni ekstraditsiya qilishga kirishgan.

Ayni vaqtda gumonlanuvchi tergov izolyatoriga joylashtirilgan. Qozog‘iston qonunchiligiga koʻra, u qilgan jinoyati isbotlansa, 5 yildan 10 yilgacha ozodlikdan mahrum etilishi va mol-molki musodara qilinishi mumkin.