O‘zbekistonning Mundial yo‘lidagi imkoniyatlari pastladi

“We Global Football” nashri 5-turdan so‘ng Osiyo jamoalarining 3-saralash bosqichi orqali to‘g‘ridan to‘g‘ri JCH–2026 yo‘llanmasini qo‘lga kiritish imkoniyatlarini yangiladi. 

Mag‘lubiyatdan keyingi natija

14-noyabr kun JCH-2026 hal qiluvchi saralash bosqich 5-turi doirasida O‘zbekiston milliy jamoasi Qatar bilan o‘yinda alamli mag‘lubiyatga uchradi. 90+12-daqiqada qatarliklar Mendesning goli evaziga g‘alabani ilib ketishdi – 3:2. Milliy jamoaning ushbu mag‘lubiyatidan keyingi imkoniyatlari 84,8 foizga baholanmoqda. Qatar terma jamoasining to‘g‘ridan-to‘g‘ri mundialga yo‘l olish imkoniyati esa 9 foizga baholanmoqda. 

Qolganlardagi imkoniyat qanday?

Avvalroq O‘zbekistonning imkoniyati 4-turdagi g‘alabadan so‘ng keskin oshgandi — 93,1% (3-turdan so‘ng 82,8% edi). 5-turda guruhimizdagi qolgan o‘yinlarda Eron jamoasi Laosda o‘tgan o‘yinda Shimoliy Koreyani mag‘lub etib ochkolari hisobini 13 ta yetkazdi. BAA Qirg‘iziston ustidan yirik 3:0 hisobida g‘alaba qozondi. We Global nashri guruh yetakchilari Eron, Yaponiya va Janubiy Koreyaning JCH—2026 ga borish imkoniyatini sal kam yuz foizga baholamoqda. 

Oktyabr oyidagi jadval

Ma’lumot uchun oktyabr oyidagi o‘yinlardan keyin “We Global Football” sahifasi Osiyo jamoalarining 3-saralash bosqichi orqali to‘g‘ridan-to‘g‘ri JCH–2026 yo‘llanmasini qo‘lga kiritish imkoniyatlarini quyidagicha baholagandi:

Yaponiya - 99.99%

• Eron - 99.6%
• Janubiy Koreya - 99.5%
• O‘zbekiston - 93.1%
• Avstraliya - 75.1%
• Iroq - 53.4%
• Iordaniya - 41.6%
• Saudiya Arabistoni - 16.7%
• Bahrayn - 7.9%
• O‘mon - 5.4%

KXDR — O‘zbekiston

Terma jamoa FIFA kunlarida o‘zining navbatdagi o‘yinini 19-noyabrda, Laosda KXXRga qarshi o‘tkazishi rejalashtirilgan. KXDRga qarshi safar uchrashuvda quvaytlik hakamlar brigadasi ishlaydi. Bosh hakam — Ali Ali Ahmad, unga yurtdoshlari Alanezi Abdulhadi va Abbos Ahmad yordam beradi. To‘rtinchi rasmiy hakam — Ammar Ashkanani. VARda esa Abulloh Jamali faoliyat olib boradi. Uchrashuv Toshkent vaqti bilan 17:00 da “Laos” stadionida start oladi.