Mo‘g‘uliston O‘zbekistonga chorva mollarini eksport qila boshladi

Joriy yilning yozida Mo‘g‘uliston prezidenti Uxnaagiyn Xurelsuxning O‘zbekistonga rasmiy tashrifi chog‘ida imzolangan ishlar amalga ko‘cha boshladi.

Sizdan ugina, bizdan bugina

Ma’lum bo‘lishicha, erishilgan kelishuvlar doirasida Mo‘g‘uliston O‘zbekistonga, shuningdek, Markaziy Osiyo mintaqasining boshqa mamlakatlariga jun, kashmir va teridan tortib go‘sht va go‘sht mahsulotlarigacha bo‘lgan qishloq xo‘jaligi mahsulotlarining keng assortimentini yetkazib berish niyatida. O‘zbekiston, o‘z navbatida, Mo‘g‘ulistonga yangi meva, rezavor va sabzavotlar eksport qiladi. Bitimning asosiy bandlaridan biri Mo‘g‘ulistondan O‘zbekistonga 100 ming bosh tirik qoramol yetkazib berishdir.

1 440 bosh qo‘y yetkazildi

Mo‘g‘uliston Oziq-ovqat, qishloq xo‘jaligi va yengil sanoat vazirligi rahbari J.Enxbayar prezident tashrifidan so‘ng O‘zbekistonda bo‘lib o‘tgan "Dengizga chiqish imkoni bo‘lmagan rivojlanayotgan mamlakatlarning oziq-ovqat xavfsizligi va barqaror rivojlanish maqsadlari" mavzusidagi xalqaro forumda ushbu kelishuvlarni tasdiqlagan. 21-dekabrdan boshlab, kuchga kirgan bitimga muvofiq, jami 1440 bosh qo‘ylar ikki martada jo‘natiladi. "Monsame" axborot agentligining ta’kidlashicha, ushbu voqea Mo‘g‘uliston va Osiyo mamlakatlari o‘rtasida qishloq xo‘jaligi sohasida hamkorlikni rivojlantirish uchun yangi imkoniyatlarni ochadi, savdo operatsiyalarini faollashtirishga yordam beradi va iqtisodiy aloqalarni mustahkamlaydi.

O‘zaro savdo aylanmasi miqdori

Ushbu bitimning amalga oshirilishi Mo‘g‘uliston va O‘zbekiston o‘rtasidagi tovar ayirboshlash hajmining o‘sishiga sezilarli hissa qo‘shishi kutilmoqda. Hozircha tovarlar nomenklaturasi cheklangan bo‘lishiga qaramay, pandemiyadan keyingi davrda o‘zaro savdo hajmining barqaror o‘sishi kuzatilmoqda. Mo‘g‘uliston O‘zbekistonga 4,6 million dollarlik mahsulot, jumladan, qayta ishlangan qo‘y terisi, ichaklar, muzlatilgan qo‘y go‘shti, echki go‘shti va qoramol go‘shti jo‘natdi. O‘zbekiston Mo‘g‘ulistonga 5,4 million dollarlik tovarlar, shu jumladan uzum, meva, oziq-ovqat tovarlari, muzlatkich va muzlatkich uskunalari, shuningdek, yuk avtomobillarini yetkazib beradi. Tirik chorva mollari eksportining boshlanishi savdo munosabatlarini diversifikatsiya qilishi va ikki tomonlama savdo hajmini yanada oshirishga xizmat qilishi kutilmoqda.