Made in Turan: Turkiy davlatlar o‘z brendini yo‘lga qo‘ymoqchi
Ushbu yagona savdo markasi orqali turkiy davlatlar mahsulotlarini xalqaro bozorda targʻib qilish rejalashtirilgan.
1 daqiqa o‘qiladi
Bokuda bo‘lib o‘tgan elektron savdo va eksport forumida Made in Turan brendi ostidagi mahsulotlar namoyish etildi. Bu haqda Trend.az agentligi xabar berdi.
Brend ostida nimalar ishlab chiqariladi?
Ozarbayjon franchayzing assotsiatsiyasi raisi Jamid Movsumovning aytishicha, ushbu brend ostida oziq-ovqat mahsulotlari, tovarlar va xizmatlar savdoga qo‘yiladi.
Brend ostida ishlaydigan ishlab chiqaruvchilar imtiyozga ega bo‘ladi
Ushbu yagona savdo markasi orqali turkiy davlatlar mahsulotlarini xalqaro bozorda targʻib qilish rejalashtirilgan. Assotsiatsiyaning fikricha, brend sifat belgisi boʻlib xizmat qiladi va ushbu brend ostida ishlaydigan ishlab chiqaruvchilar bojxona imtiyozlariga ega boʻlishlari mumkin.
Brendga qoʻshilish shartlari 2025-yil bahorida e’lon qilinadi
Jamid Movsumov Turon agentligiga bergan intervyusida yangi brend ostidagi birinchi tovarlar milliy oziq-ovqat mahsulotlari va kiyim-kechaklar bo‘lishini aytdi.
Brendga qoʻshilish shartlari 2025-yil bahorida e’lon qilinishi rejalashtirilmoqda. Hozirda assotsiatsiya Made in Turan brendi ostidagi mahsulotlar Turkiy davlatlar hamkorlik kengashi a’zo davlatlarida qanday imtiyozlarga ega boʻlishi mumkinligi borasida muzokaralar olib bormoqda.
