O‘zbekiston logistika indeksida nechinchi o‘rinni egalladi?

Pandemiya davrida, ayniqsa o‘tgan yilda, ta’minot zanjiri muammolari ko‘plab sohalarda biznesni izdan chiqarib, yetishmovchiliklarni keltirib chiqardi. Bu logistikaning global iqtisodiyot uchun naqadar muhim ekanligini ko‘rsatdi. Logistika samaradorligi indeksi mamlakatlarni bojxona, infratuzilma, xalqaro yuk tashish, logistika malakasi, o‘z vaqtida yetkazib berish va kuzatib borish kabi bir necha omillar bo‘yicha baholaydi.

Singapur birinchi o‘rinda

Reytingda Singapur 4.30 ball bilan birinchi o‘rinni egalladi. U baholashning barcha yo‘nalishlari bo‘yicha birinchi o‘rinda, xalqaro yuk tashish bo‘yicha esa Gonkong bilan birgalikda ikkinchi o‘rinni egalladi. Finlandiya umumiy 4.20 ball bilan ikkinchi o‘rinda turadi. Qiziqarli tomoni shundaki, xalqaro yuk tashish bo‘yicha Finlandiya Singapurni ortda qoldirgan. Uchinchi o‘rinni Germaniya, Niderlandiya, Shveytsariya va Daniya 4.10 ball bilan egallashdi.

Markaziy Osiyo davlatlari ichida Qozogʻiston yetakchi

O‘zbekiston Logistika samaradorligi indeksi (LPI) bo‘yicha 2,5 ball to‘plagan holda 139 ta davlat ichida 107-o‘rinni egalladi. Markaziy Osiyo davlatlari orasida Qozog‘iston 95-o‘rin (2,7), Tojikiston 124-o‘rin (2,5), Qirg‘iziston 133-o‘rin (2,3)larni band etdi.

Eng past reytingdagi mamlakatlar

Reytingning eng past o‘rinlarini Afg‘oniston va Liviya egalladi, ikkala mamlakat ham 1.90 ball to‘pladi. Afg‘oniston bojxona, logistika malakasi va o‘z vaqtida yetkazib berish bo‘yicha yuqori ball olgan bo‘lsa, Liviyada xalqaro yuk tashish va kuzatib borish ko‘rsatkichlari kuchliroq. Har ikkisi infratuzilma bo‘yicha bir xil natijaga ega bo‘ldi.

Bojxona va infratuzilma bo‘yicha yuqori reytinglar

Singapurdan keyin Shveytsariya va Daniya bojxona kategoriyasida 4.10 ball bilan eng yuqori ballarni oldi. Bu kategoriyada Somaliya 1.50 ball olgan bo‘lsa, Angola va Yaman 1.70 ball oldi.

Infratuzilma bo‘yicha Shveytsariya 4.40 ball bilan Singapurni ortidan ikkinchi o‘rinni egalladi. Germaniya va Kanada esa 4.30 ball to‘pladi. Infratuzilma uchun eng past ball 1.70 bo‘lib, bu ko‘rsatkich Afg‘oniston va Liviyaga tegishli. Xalqaro yuk tashish bo‘yicha eng past ko‘rsatkich Yamanda qayd etilib, u 1.70 ball oldi. Logistika malakasi bo‘yicha Somaliya oxirgi o‘rinni 1.80 ball bilan egalladi, vaqtida yetkazib berish bo‘yicha esa Angola va Kamerun 2.10 ball bilan reytingning eng past qismida joylashdi.

AQSh va Janubiy Koreyada bir xil natija

AQSh va Janubiy Koreya 3.80 ball bilan bir xil natija qayd etdi, ammo ikkalasi Xitoy va Buyuk Britaniyadan yuqori o‘rin oldi, chunki bu mamlakatlar faqatgina 3.70 ball to‘plashgan. Janubiy Koreya bojxona va infratuzilma bo‘yicha AQShni biroz ortda qoldirgan bo‘lsa-da, AQSh logistika malakasi va kuzatib borish bo‘yicha yaxshiroq natijalarga erishdi.