O‘zbekistonda iste’mol va avtokreditlar hajmi ikki barobardan ko‘proq kamaydi

O‘zbekistonda 2024-yilning to‘qqiz oyida milliy valyutada rasmiylashtirilgan iste’mol va avtokreditlar hajmi ikki barobardan ko‘proq kamaydi. Bu haqda Markaziy bank ma’lumotlarida keltirilgan.

Qancha avtokredit olindi?

Yanvar—sentyabr oylarida fuqarolar tomonidan 12,79 trillion so‘mlik avtokreditlar olingan. Bu 2023-yilning shu ko‘rsatkichidan 2,36 barobar kamdir. Eng yuqori oylik ko‘rsatkichlar yanvar, aprel va may oylariga to‘g‘ri kelgan bo‘lib, 1,7 trillion so‘m berilgan.

Iste’mol kreditlari bilan bog‘liq vaziyat

Iste’mol kreditlari 2,4 barobarga — 32,54 trillion so‘mdan 13,05 trillion so‘mga qisqardi. Eng ko‘p chakana kreditlar may oyida (1,8 trillion so‘m) berilgan.

Bunday keskin kamayishga sabab nima?

Eslatib o‘tamiz, 2024-yilning birinchi yarmida ham iste’mol va avtokreditlar hajmi ikki barobarga qisqargan edi. Yanvar—iyun oylarida fuqarolar tomonidan 8,91 trillion so‘mlik avtokredit ajratilgan bo‘lib, bu 2023-yilning shu ko‘rsatkichidan 2,07 barobar kamdir. Eng yuqori oylik ko‘rsatkichlar yanvar va may oylariga to‘g‘ri keldi, o‘shanda 1,7 trillion so‘m chiqarilgan. Iste’mol kreditlari 2,09 martaga — 19,57 dan 9,36 trillion so‘mga qisqardi. Eng ko‘p (1,8 trillion so‘m) chakana kredit may oyida berilgan. Iste’mol va avtokreditlarning eng keskin pasayishi may oyida kuzatildi, o‘shanda emissiya hajmi o‘tgan yilga nisbatan deyarli to‘rt baravar kamaygan. Bunga sabab esa Markaziy bank 1-iyuldan boshlab aholiga kreditlar berish talablarini kuchaytirgani edi. Ya’ni o‘rtacha kredit to‘lovlarining qarz oluvchining o‘rtacha oylik daromadiga nisbati bilan hisoblangan qarz yuki ko‘rsatkichi joriy etildi.