Husanov “Manchester Siti“ning bozordagi asosiy maqsadiga aylandi

Insayder Fabritsio Romano o‘zbekistonlik himoyachi transferiga oid yangi ma’lumotlarni oshkor qildi.

“Manchester Siti” asosiy nomzod

So‘nggi kunlarda bir qator manbalar Abduqodir Husanov qishki transfer oynasida Yevropa grandlarining nishonida bo‘lib turgani haqida kunora ma’lumot berishmoqada, a ularning barchasi ham ishonchli emas. Biroq futbol olamida bu borada ishonch qozongan shaxs mavjud. U — insayder Fabritsi Romano. Odatda uning ko‘plab ma’lumotlari va kutilmalar qolganlardagidan farqli avval boshda aytilganidek yakun topadi. Kuni kecha insayder yana Husanov transferi haqida yozdi. Unga ko‘ra, “Abduqodir Husanov bo‘yicha “Manchester Siti” va “Lans” o‘rtasida muzokaralar davom etmoqda. Husanov "Man Siti"ning bo‘lajak transferlari ro‘yxatida eng yuqorida turibdi”. Shuningdek, Manchester klubi Husanov bo‘yicha bir haftadan buyon davom etayotgan muzokaralarda siljishga erishgani ham ma’lum qilinadi.

Tahminiy transfer qiymati

Avvalroq insayder Narzulla Saydullayev Fransuz jamoasi o‘zbekistonlik himoyachini taxminan 40 million yevroga sotmoqchi ekanligini ma’lum qilgandi. Ha, ushbu insayderning futbol klubiga hech qanday yaqin aloqasi yo‘q, ammo bizga yaqin manbalarga ko‘ra u futbolchining agenti bilan yaqin munosabatda. Shuning uchun ham ushbu xabarni e’tiborsiz qoldirish o‘rinsiz.

“Real Madrid” muzokaralarga kirishdimi?

3-yanvar kuni yana shu o‘zbek futbolida o‘zbek Romanosi deya nom qozongan insayder Narzulla Saydullayev futbolchiga Madridning “Real” jamoasi ham qiziqish bildirayotganini ma’lum qilgan. ”Mendagi ma’lumotga ko‘ra, Abduqodir uchun kurashda “Siti”ga “Nyukasl”, “Real Madrid” va “Bayer” klublari jiddiy raqobat qilishmoqda. Mana shu 4 klub futbolchi uchun eng asosiy da’vogar. “Lans” Husanovni taxminan 40 million yevroga sotmoqchi. Moliyaviy feyr-pley tufayli ko‘plab ingliz klublari, jumladan “Manchester Yunayted” ham buncha pul sarflay olmaydi”, deb yozadi insayder. Xabar berilganidan shuncha kun o‘tibhamki, Madrid jamoasining futbolchi borasida muzokaralarga qo‘shilgani haqida ishonchli va tayinli yaginlik mavjud emas.