O‘zbekistonda havo yana sovib ketishi kutilmoqda

O‘zgidromet o‘zbekistonliklarni nam va sovuq havo massalari kirib kelishidan ogohlantirdi. 

O‘zgidromet axboroti

O‘zbekiston hududida yana havo sovib, qor yog‘ishi kutilmoqda. Joriy yilning 20—22-dekabr kunlari O‘zbekistonga nam va sovuq havo massalari kirib kelishi kutilmoqda. 20—21-dekabr kunlari respublika bo‘yicha ba’zi joylarda yog‘ingarchilik (yomg‘ir, qor) kuzatiladi, tog‘ oldi va tog‘li hududlarda kuchli bo‘lishi mumkin. Shamol tezligi ba’zi joylarda 13-18 m/s gacha kuchayadi.

Havo harorati darajasi

21—22-dekabr kunlari havo harorati kechalari 7-10 daraja sovuqqacha, kunduz kunlari 0-3 daraja sovuqqacha pasayadi. Yo‘llarda yaxmalak kuzatiladi. Ma’lumot uchun, 15—16-dekabr kunlari mamlakat hududining katta qismida qor yog‘gan edi.