Yevropada yilning eng yaxshi yosh futbolchisi nomi ma’lum bo‘ldi

Kuni kecha Yevropada yilning eng yaxshi yosh futbolchisi nomini aniqlab beruvchi Golden Boy taqdimot marosimi bo‘lib o‘tdi.

Lamin Yamal 

"Barselona" klubi va Ispaniya termasi o‘yinchisi Lamin Yamal Golden Boy sovrinini qo‘lga kiritdi. Yamal Ispaniya milliy jamoasi bilan Germaniyada o‘tgan Yevro-2024 g‘olibiga aylanib, turnirning eng yaxshi yosh futbolchisi deb topilgandi. O‘tgan yili bu nomga "Real" futbolchisi Jud Bellingem loyiq ko‘rilgandi.

Yil o‘yinchisi 

Golden boy sovrini taqdimotida "Real" sobiq futbolchisi Toni Kroos yil o‘yinchisi nominatsiyasida g‘olib bo‘ldi. Germaniya termasi sobiq yarim himoyachisi 2024-yilning yozida futbolchilik faoliyatini yakunlagandi. Kroos o‘tgan mavsum yakunida professional futbolchilik faoliyatini yakunlagandi. Tuttosport nashri uning futboldagi yutuqlarini e’tirof etib, ushbu nufuzli mukofotni topshirgan. Toni Kroos o‘tgan mavsum yakunlariga ko‘ra "Oltin to‘p"ga da’vogarlar ro‘yxatidan joy olgandi.

Golden Boy sovrini haqida

Golden Boy – har yili an’anaviy tarzda Yevropaning eng yaxshi yosh o‘yinchisiga topshiriladigan sovrin sanaladi. Bu Italiyaning Tuttosport nashri sovrini hisoblanadi. Ahamiyatlisi, ushbu sovrin uchun nomzodlar ro‘yxatida o‘zbekistonlik Abduqodir Husanov ham bor edi.