Ish haqi, pensiya va nafaqalar oshirilmaydi – Iqtisodiyot va moliya vazirligi

Iqtisodiyot va moliya vazirligi ijtimoiy tarmoqlarda tarqalgan 2025-yil 1-mart va 1-avgustdan ish haqi, pensiya va nafaqalar 10 foizga oshirilishi haqidagi ma’lumotlarni rad etdi. 

Rasmiy manbalarga tayaning

Vazirlik ushbu xabarlar haqiqatga mos emasligini ta’kidlab, fuqarolarni faqat rasmiy manbalarga tayanishga chaqirdi.

Rasmiy munosabatda ta’kidlanishicha, ish haqi va pensiyalar bo‘yicha har qanday rasmiy qarorlar tegishli davlat organlarining rasmiy axborot kanallari orqali e’lon qilinadi. Shu sababli, tekshirilmagan ma’lumotlarga ishonmaslik va ularni tarqatmaslik so‘raldi.

O‘zbekistonda oxirgi pensiya va ish haqi oshirilishi qachon amalga oshirilgan?

O‘zbekistonda oxirgi marta 2024-yil sentyabr oyida pensiyalar va nafaqalar 15 foizga oshirilgan, shuningdek, 1-oktabrdan budjet tashkilotlari xodimlarining maoshi 10 foizga, o‘qituvchilar va tibbiyot xodimlarining maoshi esa 15 foizga ko‘tarilgan edi.

2024-yil 1-sentyabrdan boshlab belgilangan minimal pensiya va nafaqalar miqdori:

• Pensiyani hisoblashning bazaviy miqdori – 428 000 so‘m;

• Yoshga doir eng kam pensiya miqdori – 834 000 so‘m;

• Nogironlik pensiyasining eng kam miqdori – 920 000 so‘m.

Vazirlik hozircha pensiya va ish haqining oshirilishi bo‘yicha yangi qaror qabul qilinmaganini qayd etib, rasmiy axborot manbalariga tayanishni tavsiya qildi.