32 yoshida vafot etgan afsona: Bryus Lining sirli o‘limi

Bryus Li jahonga mashhur bo‘lgan kino aktyori, jang san’atlari ustasi va murabbiyi, shuningdek, muallif va falsafachi sifatida tanilgan shaxs. Uning hayoti va faoliyati jang san’atlariga katta ta’sir o‘tkazgan, shu bilan birga, kinematografiya va ommaviy madaniyatda yangi yo‘nalish yaratishga yordam bergan. Bryus Li 32 yoshda vafot etgan. Uning o‘limi hamon sirliligicha qolib kelayotgan edi, biroq ispaniyalik shifokorlar uning vafot etishi sirini aniqladi.

Shaxsiy hayoti va jang san’atlari

Bryus Li San-Fransiskoda, AQSHda tug‘ilgan, lekin uning oilasi Gonkongda yashagan. Uning to‘liq ismi Li Chjenfan, va uning "Bryus" deb atalishi amerikancha ism sifatida berilgan. U bolalikda Gonkongga ko‘chib o‘tgan va yoshligidayoq aktyorlikni boshlagan. Bryus Li kung-funing Vin Chun yo‘nalishini o‘rgangan va unga o‘zining Jet Kun Do (Jeet Kune Do) usulini qo‘shgan. Bu jang san’ati falsafasi ko‘proq elastiklik va individuallikka asoslangan. Uning nazariyasiga ko‘ra, har bir jangchi o‘z uslubini shaxsiy ehtiyojlariga mos ravishda rivojlantirishi kerak.

Kinodagi faoliyati

Bryus Lining kinematografiyadagi ilk katta rollari Gonkong kinolaridan boshlangan. Uning eng mashhur filmlari "The Big Boss" (Katta Boss) (1971-yil), "Fist of Fury" (G‘azab mushti) (1972-yil), "The Way of the Dragon" (Ajdar yoli) (1972-yil), "Enter the Dragon" (Ajdar kirishi) (1973-yil) va "Game of Death" (O‘lim o‘yini) (o‘limidan keyin chiqarilgan) hisoblanadi. 

Afsonaning o‘limi haqida mish-mishlar

Bryus Li Sharq va G‘arb o‘rtasidagi madaniy ko‘prikni mustahkamlagan inson sifatida tarixda qolgan. Uning kinolari va falsafasi dunyo bo‘ylab millionlab odamlarga motivatsiya bergan va jang san’atlariga bo‘lgan qiziqishni oshirgan. Bryus Li 32 yoshda vafot etgan. Uning o‘limi hamon sirliligicha qolib kelayotgan edi, biroq ispaniyalik shifokorlar uning vafot etishi sirini aniqladi. The Sun nashrining xabar berishicha, Lining jasadi yorilganida u miya shishi tufayli vafot etgani aniqlangan. Shundan so‘ng shifokorlar buni aktyorning og‘riq qoldiruvchi dori qabul qilgani bilan izohlagan. O‘shanda muxlislar orasida eng aql bovar qilmaydigan mish-mishlar, xususan, Bryus Li xitoylik gangsterlar tomonidan o‘ldirilgani yoki rashkchi sevgilisi tomonidan zaharlangani haqida xabarlar tarqala boshlagan. Ba’zilar hatto uni sehrgar la’natlaganiga ishonishgan.

Tibbiy ma’lumot

Bryus Lining o‘limi holatlarini o‘rgangan shifokorlar u giponatremiya tufayli juda ko‘p suyuqlik ichishdan vafot etgan bo‘lishi mumkin, degan xulosaga keldi. Bu — qon plazmasidagi natriy ionlarining konsentratsiyasi 135 mmol / l dan past bo‘lgan holat. Ayrim hollarda, bu qon plazmasidan suvning tana hujayralariga, shu jumladan, miya hujayralariga qayta taqsimlanishiga olib keladi. Keyin insonda bosh aylanishi kuzatiladi, fikrlarning chalkashligi boshlanadi, keyin uyqusizlik va komaga tushish holatlari ham uchraydi. “Boshqacha qilib aytganda, biz buyraklarning ortiqcha suvni chiqarib yubora olmasligi Bryus Lini halok qilgan, deya taxmin qilyapmiz”, deb yozadi tadqiqotchilar. Shifokorlar, chanqoqni kuchaytiruvchi marixuana iste’moli sportchi va aktyorni ushbu holatga olib kelganini taxmin qilmoqda.

O‘xshash taqdirlar

Tadqiqotchilarga ko‘ra, yuqoridagilardan tashqari, Li buyrak faoliyatini yomonlashtiradigan ba’zi dori-darmonlarni spirtli ichimliklar bilan birgalikda qabul qilgan. G‘arbning birinchi yirik kung-fu filmiga aylangan “Ajdarning chiqishi” filmining premerasidan bir necha hafta oldin aktyor vafot etgan edi. Lilar oilasiga taalluqli yana bir ajablanarli ma’lumot shundaki, Bryusning o‘g‘li ham o‘z filmining taqdimotini ko‘rolmagan. Brendon Li — kino aktyor va jang san’ati ustasi Bryus Lining o‘g‘li, u otasining izidan borib, filmlarda rol o‘ynagan. U “Lazer operatsiyasi”, “Tokiodagi kichik mushtlashuv”, “Dovul ostida” filmlarida asosiy rollarni ijro etadi. Ammo haqiqiy muvaffaqiyat unga vafotidan keyin “Quzg‘un” filmi ekranlarga chiqqach keladi — Brendon suratga olish maydonchasida vafot etadi.