Bir tom ostida: Ayritom savdo majmuasi bir yil ichida muhim savdo markaziga aylandi

Mustaqillik — eng ulug‘ ne’mat deya bot-bot takrorlanishi bejiz emas. Ayni shu ne’mat xalqimizning farovon turmushi, tinch hayot kechirishi va porloq kelajak sari qadam qo‘yishi uchun asosiy tamal vazifasini bajarib kelmoqda. Ayniqsa, so‘nggi yillarda amalga oshirilayotgan muhim tashabbuslar, faol qo‘shnichilik munosabatlari, iqtisodiy-ijtimoiy loyihalar, taraqqiyotga qaratilgan muhim davlat dasturlari aholi hayotining har bir jabhasida oְ‘zining ijobiy aksini topmoqda.

Ayritom savdo majmuasi ishga tushganiga 1 yil bo‘ldi

Xususan, Surxondaryo viloyatining Afg‘oniston bilan chegaradosh Termiz shahrida 2024-yilda ishga tushirilgan Ayritom savdo majmuasi ham ana shunday muhim ijtimoiy-iqtisodiy sherikchilik borasidagi muhim qadamlardan biri bo‘lgani shubhasiz. Bugungi kunda umumiy maydoni 36 gektarni tashkil qiluvchi ushbu majmua ikki xalq vakillari uchun nafaqat savdo almashinuvi, balki turli zarur ijtimoiy muassasalarini o‘z ichiga olganligi bilan ham ahamiyatlidir.

Kompleksda nimalar bor?

Majmua ochilganiga endigina bir yil bo‘lgan bo‘lsa-da, bugun unda afg‘onistonlik hamda o‘zbekistonlik tadbirkorlar xaridorlarga faol xizmat ko‘rsatishni boshlagan. Umumiy to‘rt blokdan iborat savdo qismida kiyim-kechak, maishiy hamda oziq-ovqat mahsulotlaridan tashqari, eng zamonaviy texnikalar, qimmatbaho zargarlik buyumlari, xo‘jalik, uy-joy ta’miri uchun muhim vositalar savdosi bilan shug‘ullanuvchi do‘konlar, ishlab chiqarish bo‘limlari tashkil etilgan.

Majmuada klinika ham faoliyat yuritmoqda

Bundan tashqari, mahalliy aholi hamda Afg‘oniston fuqarolarining zaruriy tibbiy ehtiyojlarini qondirish maqsadida majmua hududida Akfa Medline klinikasi ham ishga tushirilgan bo‘lib, ayni damda bu klinika faol tarzda bemorlarni qabul qilib, tashrif buyuruvchilarni zarur tibbiy tekshiruvdan o‘tkazmoqda. Qayd etish joizki, klinika tibbiy taraqqiyotning eng yuksak texnika-texnologiyalari bilan jihozlangan bo‘lib, malakali tibbiyot mutaxassislari, tarjimonlar mijozlar xizmatiga hozir.

Hududda eng mashhur mehmonxona tarmog‘i ham mavjud

Ushbu savdo majmuasiga tashrif buyuruvchilar hamda tadbirkorlar uchun yaratilgan zarur sharoitlar qatorida, shuningdek, ovqatlanish majmualari, tez tayyor bo‘luvchi taomlar shoxobchasi, dunyoda eng mashhur mehmonxona tarmoqlaridan hisoblanuvchi “Wyndham Garden Inn”ning yuqori standartlari asosida qurilgan Ayritom bo‘limini ham keltirish mumkin. Ushbu mehmonxona bugungi kunda jami 98 xonadan iborat bo‘lib, ularning 94 tasini standart, 4 tasini lyuks xonalar tashkil etadi. Tashrif buyuruvchilar uchun esa barcha qulayliklar hozirlangan, yuqori tezlikdagi internet, restoran hamda shug‘ullanish zallari, professional xona xizmati, qo‘riqlash xizmati xodimlari mehmonlar xizmatiga shay.

Xavfsizlik uchun zamonaviy texnologiyalar xizmat qilmoqda

Albatta, bu qulayliklarga hamohang tarzda savdo markaziga tashrif buyuruvchilarga qulaylik yaratish maqsadida hududga kirish ikki davlat — O‘zbekiston va Afg‘oniston tomonidan ham hozirlangan. Kirish va chiqish punktlarida zamonaviy roentgen, skaner hamda yuzni tanish texnologiyalari o‘rnatilgan bo‘lib, malakali mutaxassislar har bir savdo majmuasiga keluvchi kishining xavfsizligi uchun jiddiy qayg‘uradi.

Mana shunday istiqbolli loyihalarning mavjudligi O‘zbekiston hukumatining tashqi aloqalarni mustahkamlash barobarida ichki turmush tarzini ham yaxshilashga katta hissa qo‘shayotganligidan darak