Ustaxonadan shohsupagacha: Ilk bor yosh avtomexaniklar taqdirlandi

Prezident sovrini uchun tashkil etilgan “Yangi O‘zbekiston bunyodkorlari – 2026” respublika kasbiy mahorat tanlovida avtomobillarga texnik xizmat ko‘rsatish yo‘nalishining eng kuchli ishtirokchilari aniqlandi.

Tanlov davomida turli hududlardan kelgan yoshlar avtomobillarga texnik xizmat ko‘rsatish bo‘yicha o‘z bilim va amaliy mahoratini namoyish etdi. Yakunda eng yuqori natija qayd etgan 12 nafar ishtirokchi sovrinli o‘rinlarni egalladi.

G‘olib va sovrindorlar Humo Arena’da o‘tkazilgan katta taqdirlash marosimida medallar hamda pul mukofotlari bilan taqdirlandi. Ularni tanlovga tayyorlagan ustozlarning mehnati ham alohida e’tirof etildi.

Avtomobillarga texnik xizmat ko‘rsatish yo‘nalishida o‘rinlar quyidagicha taqsimlandi:

1-o‘rin

Bektosh To‘raqulov — Samarqand viloyati

Magjan Shaymerdenov — Navoiy viloyati

2-o‘rin

Axrorjon Usmonov — Farg‘ona viloyati

Aziz Do‘stmuxammedov — Sirdaryo viloyati

Azizbek Ro‘zmetov — Xorazm viloyati

Botir Nosirov — Buxoro viloyati

3-o‘rin

Sardorbek Oblaqulov — Navoiy viloyati

Azimjon Po‘latov — Navoiy viloyati

Abdulaziz Ergashev — Sirdaryo viloyati

Asadbek Mashrabov — Namangan viloyati

Maqsudjon Maxmudov — Navoiy viloyati

Jaloliddin Hayitboyev — Xorazm viloyati

“Yangi O‘zbekiston bunyodkorlari” tanlovi doirasida avtomobillarga texnik xizmat ko‘rsatish bilan bir qatorda payvandlash, santexnika, elektromontaj, oshpazlik, kompyuter grafikasi, moda texnologiyalari va boshqa amaliy kasblar bo‘yicha ham eng mahoratli yoshlar saralandi. 10 ta yo‘nalishda jami 120 nafar g‘olib va sovrindor taqdirlandi.

Tanlovning eng kuchli ishtirokchilari uchun navbatdagi katta marra — WorldSkills xalqaro chempionati. Unda O‘zbekiston sharafini himoya qilib, g‘oliblikni qo‘lga kiritgan ishtirokchiga Prezident tomonidan 1 mlrd 30 mln so‘m mukofot berilishi ko‘zda tutilgan.