Eng past foizli avtokreditni qaqysi banklar taqdim etmoqda?

O‘zbekiston banklarida mikroqarzlar va avtokreditlar bo‘yicha foiz stavkalari 2026-yilning fevralida sezilarli o‘zgarishlarga uchradi. Unga ko‘ra, mikroqarzlar bir oz qimmatlashib, avtokreditlar arzonlashdi. Bu o‘zgarishlar fuqarolar uchun moliyaviy tanlovni osonlashtirishga yordam bermoqda. Quyidagi maqolada qaysi bankdan kredit rasmiylashtirish foydaliroq bo‘lishi haqida ma’lumotlarni jamladik.

Yangi foiz stavkalari

Bugungi kunda bank kreditlari aholi uchun kundalik ehtiyojlarini qondirish va yirik xaridlarni amalga oshirishda muhim vosita hisoblanadi. Mikroqarzlar va avtokreditlar orasidagi foiz stavkalari farqi esa moliyaviy tanlovni amalga oshirayotgan fuqarolar uchun katta ahamiyatga ega. Joriy haftada e’lon qilingan ma’lumotlarga ko‘ra, mikroqarzlar va avtokreditlar bo‘yicha takliflar bir-biridan keskin farq qilmoqda. Unga ko‘ra, mikroqarzlar bo‘yicha o‘rtacha foiz stavkasi 31,0% ga yetdi, bu o‘tgan davrga nisbatan 0,2 foizga oshdi. Eng past foiz stavkalari taklif etayotgan banklar orasida Infinbank 24,4% bilan birinchi o‘rinda, keyingi o‘rinlarda esa Aloqabank (24,5%) va Trastbank (24,6%) turibdi. Biroq, mikroqarzlar bo‘yicha eng yuqori stavka Tenge bankda 42,6% ni tashkil etmoqda. Anorbank (41,2%) va AVO bank (39,9%) yuqori stavkalar bilan ajralib turadi.

Shuningdek, TBC Bank ikki haftalik tanaffusdan so‘ng yana mikroqarz ajratishni boshladi. Bankning hozirgi foiz stavkasi 32,7% ni tashkil etmoqda, bu o‘tgan yilning dekabr oyidagi 32,4% dan biroz yuqori.

Arzonlashayotgan stavkalar

Avtokreditlar segmentida esa pasayish kuzatildi. O‘rtacha foiz stavkasi 0,2 foizga arzonlab, 23,4% ga yetdi. Eng arzon avtokreditlarni Garant bank (17,9%) taqdim etmoqda, keyingi o‘rinlarda esa Ipoteka bank (20,2%) va Asia Alliance bank (21,3%) mavjud. Shuningdek, Mikrokreditbank (28,0%) va Madad Invest bank (27,9%) kabi yuqori foiz stavkalari taklif etilayotgan banklar ham mavjud.

Tijorat banklari, shuningdek, avtosanoat korxonalari bilan kelishuv asosida turli qulay shartlarda, masalan, past foizli avtokreditlar taklif qilishlari mumkin. Bu, banklarning amaldagi stavkalarini o‘rtacha ko‘rsatkichlardan farq qilishi mumkin.

Mikroqarzlar va Avtokreditlar o‘rtasidagi farq

Mikroqarzlar va avtokreditlar bo‘yicha bank bozorida teskari tendensiya kuzatilmoqda. Mikroqarzlar qimmatlashayotgan bo‘lsa, avtokreditlar arzonlamoqda. Bu iste’molchilar uchun keng tanlov imkoniyatlarini yaratmoqda. Stavkalar orasidagi farq esa 10-18 foiz punktigacha yetmoqda.