Havoning ifloslanishi ko‘z sog‘lig‘iga qanday ta’sir qiladi?

So‘nggi tadqiqotlar havoning ifloslanishining ko‘z sog‘lig‘iga salbiy ta’sir ko‘rsatishini tasdiqladi. Unga ko‘ra, atmosferada havo ifloslanishidan zarrachalar mavjud bo‘lgan davrda bemorlarning ko‘z yuzasi kasalliklari bo‘yicha tashriflar soni ikki baravarga ko‘paygan.

Havo ifloslanishining ko‘z sog‘lig‘iga ta’siri

Tadqiqotda allergiya bilan bog‘liq kundalik ambulatoriya tashriflari va havoni ifloslantiruvchi moddalar darajasi bo‘yicha ma’lumotlar tahlil qilindi.

Ikki turdagi zarrachalar - PM10 (zarrachalar diametri 10 mikrongacha) va PM2,5 (2,5 mikrondan kam) ga alohida e’tibor qaratildi. Havo ifloslanishi ko‘zga yallig‘lanish va qurish keltirib chiqaradi, bu esa qizarish, yonish va vizual charchoq kabi simptomlarni kuchaytiradi. Bu omillar, ayniqsa havosi ifloslangan hududlarda yashovchilarning ko‘z sog‘lig‘iga xavf soladi.

Bundan tashqari, azot dioksidi (NO2) va oltingugurt dioksidi (SO2) kabi moddalar ham ko‘z qurishi va boshqa ko‘z kasalliklariga hissa qo‘shishi mumkin.

Hindiston misolida

Hindistonning poytaxti Dehli ifloslangan havo ko‘z kasalliklari ko‘payishiga olib kelayotganining yorqin misolidir. Hindistonda o‘tkazilgan tadqiqotlarga ko‘ra, ko‘z yuzasi kasalliklari, masalan, quruq ko‘z va allergiyalar ortib bormoqda. PM10 va PM2.5 kabi zarrachalar havoda yuqori darajada bo‘lganda ko‘z yuzasi kasalliklari, quruq ko‘z va allergiyalar kuchaymoqda. Ushbu zarrachalar ko‘zlarning yallig‘lanishiga, infeksiyalarni keltirib chiqarishga olib keladi.