Uzum Market UTM-belgilari bilan reklama havolalarining yangi vositasini ishga tushirmoqda

2026-yil 8-iyundan boshlab Uzum Market shaxsiy kabinetida UTM-belgilari bilan reklama havolalari vositasi mavjud bo‘ladi. Yangi funksiya sotuvchilarga reklama kampaniyalarining samaradorligini tahlil qilishga va qaysi targ‘ibot kanallari ko‘proq o‘tishlar, buyurtmalar va sotuvlarni olib kelishini kuzatishga yordam beradi.

Vosita yordamida sotuvchilar tovarlar yoki do‘konlar uchun alohida havolalar yaratishlari, UTM-belgilarini avtomatik ravishda qo‘shishlari, shuningdek, har bir targ‘ibot kanali bo‘yicha statistika hisobotlarini yuklab olishlari mumkin bo‘ladi. Hisobotlarda havolalar orqali o‘tishlar, ko‘rishlar, savatga qo‘shish, rasmiylashtirilgan va sotib olingan buyurtmalar, shuningdek, sotuvlar miqdori haqidagi ma’lumotlar mavjud bo‘ladi.

Uzum Market ta’kidlashicha, turli reklama kampaniyalari uchun alohida havolalardan foydalanish savdo voronkasini samaraliroq tahlil qilish va sotuvchilarning reklama byudjetini optimallashtirish imkonini beradi. Havolalar bo‘yicha statistika har kuni yangilanadi va yakunlangan sanalar bo‘yicha shakllantiriladi.

Batafsil ma’lumot bilan havola orqali tanishish mumkin.

Reklama huquqlari asosida