Transafg‘on temiryo‘lining qurilishi 2025-yilning o‘zidayoq boshlanishi mumkin

Transport vaziri Ilhom Mahkamovga ko‘ra, O‘zbekiston - Afg‘oniston - Pokiston Transafg‘on temiryo‘li qurilishi 2025-yilda boshlanishi rejalashtirilmoqda.

Navbat Transafg‘on temiryo‘liga

3-fevral kuni mamlakat prezidenti yirik transport infratuzilmasi loyihalari, jumladan, Transafg‘on temiryo‘li bo‘yicha amalga oshirilgan ishlar to‘g‘risidagi hisobot bilan tanishdi. Transport vaziri Ilhom Mahkamov “O‘zbekiston 24” telekanaliga Transafg‘on loyihasi Afg‘oniston orqali Pokiston va Eron portlariga yetib borish uchun 80 kilometrlik uchastkani kengaytirishni o‘z ichiga olishini ma’lum qildi. Davlat rahbariga tanlangan maydon va loyiha donorlari bilan ishlash haqida ma’lumot berilgan. “O‘tgan yil oxirida muhtaram prezident tashabbusi bilan amalga oshirilayotgan Xitoy — Qirg‘iziston — O‘zbekiston temiryo‘li loyihasi qurilishiga start berilgan bo‘lsa, bu yil Transafg‘on temiryo‘li qurilishini boshlash ko‘zda tutilgan”, — deydi u.

Afg‘onistondagi hokimiyat almashinuvining loyihaga ta’siri

2021-yilninfevralal oyida O‘zbekiston, Afg‘oniston va Pokiston Toshkentda “Termiz — Mozori-Sharif — Kobul — Peshovar” temiryo‘li qurilishi bo‘yicha yo‘l xaritasini imzolaydi. Unga muvofiq, loyihani may oyida tayyorlash va yo‘l qurilishini 2021 yil sentyabr oyida boshlash rejalashtirilgan. Biroq Afg‘onistonda hokimiyat almashgani uni sekinlashtiradi. Shundan so‘ng, dekabr oyida Afg‘oniston muvaqqat hukumati unga qo‘shiladi. 2022-yilning 18-iyulida mamlakatda Transafg‘on temiryo‘lining yo‘nalishi va loyihaning texnik-iqtisodiy asoslarini aniqlash bo‘yicha ekspeditsiya ishlari boshlanadi.

Loyiha haqida

So‘nggi ma’lumotlarga ko‘ra, O‘zbekistonning “Boshtransloyiha” instituti yo‘l qurilishi qiymatini 4,6 milliard dollarga, Pokiston 8,2 milliard dollarga baholagan. OAV xabarlarida esa loyiha 4,8 milliard dollardan 6 milliard dollargacha baholangan. U yiliga 20 million tonnagacha yuk tashish imkoniyatiga ega 573 km uzunlikdagi magistral qurishni nazarda tutadi. Yangi transport yo‘lagi Yevropa Ittifoqi, Rossiya, O‘zbekiston, Afg‘oniston, Pokiston, Hindiston va undan keyin Janubi-Sharqiy Osiyo davlatlarini bog‘lashi kerak.