Польшалик журналистга суйкалган ТИВ ходими ишдан бўшатилди

Аввалроқ халқаро журналист Агнешка Пикулитска-Вилчевска Ўзбекистон ТИВ ходими ўртасидаги можаро юзасидан хабар берилганди. Ниҳоят вазирлик ушбу масала юзасидан ўз муносабатини билдирди.

Унда айтилишича, Ўзбекистон Ташқи ишлар вазирлигида Вазирлик Матбуот котиби А.Ходжиметов ва илгари ТИВ ҳузурида “Ал-Жазеера” телеканали мухбири сифатида аккредитатсиядан ўтган Агнешка Пикулитска-Вилчевска ўртасида учрашув бўлиб ўтган.

Учрашув давомида унинг аккредитатсияси ва бўлиб ўтган воқеа билан боғлиқ қўшимча ҳолатлар аниқланиб ва журналистдан ҳодиса учун узр сўралган. Шунингдек, журналист томонидан тилга олинган вазирлик ходими Ташқи ишлар вазирлиги тизимидан бўшатилгани айтилмоқда.

“А.Пикулитска-Вилчевсканинг журналистик аккредитатсиясини расмийлаштириш жараёни 2021-йил 3-феврал куни якунланади”, дейилади ТИВ муносабатида.

Бундан аввал халқаро журналист Twitterдаги саҳифасида вазирлик бундай ходимни танимаслигини айтгани ҳақида ёзганди.