O‘zbekistonda temir yo‘l orqali yuk tashish hajmi 74 mln. tonnaga yetdi
Yuk aylanmasi 2023-yilga nisbatan 0,3 foizga ortgan. Besh yil ichida u deyarli 4,7 foizga oshdi.
1 daqiqa o‘qiladi
2024-yil yakuniga ko‘ra, O‘zbekiston magistral temir yo‘l transporti tomonidan 73,9 mln. tonna yuk tashilgan, deb xabar berdi O‘zbekiston Respublikasi Statistika agentligi.
Eng katta ulush qaysi mahsulotlarga to‘g‘ri kelmoqda
Yuk aylanmasi 2023-yilga nisbatan 0,3 foizga ortgan. Besh yil ichida u deyarli 4,7 foizga oshdi. 2024-yilning birinchi yarim yilligi oxirida temir yo‘l transporti yuk aylanmasida eng katta ulush ruda, ko‘mir, neft va neft mahsulotlarini tashish hissasiga to‘g‘ri keldi.
4,9 million yo‘lovchiga xizmat ko‘rsatildi
Temir yo‘l stansiyalaridan tashilgan yuk hajmi o‘tgan yilning shu davriga nisbatan 100 ming tonnaga ortgan. 4,9 million yo‘lovchiga xizmat ko‘rsatilgan. Eksport xizmatlari hajmi 81,4 million dollarni tashkil etgan. 85,2 milliard so‘mlik sanoat mahsulotlari, jumladan, mahalliylashtirish dasturi doirasida 12,6 milliard so‘mlik mahsulot ishlab chiqarilgan. Temir yo‘llarni reabilitatsiya qilish, lokomotivlarni qayta tiklash, yuk vagonlarining xizmat muddatini uzaytirish ishlari amalga oshirilgan.
