Chevrolet Tahoe Rossiya bozorida sotuvga chiqdi

Chevrolet Tahoe avtomobili Rossiyaga parallel import va boshqa muqobil sxemalar boʻyicha yetkazib berilmoqda. Bu haqda “Avtonovosti dnya” nashri xabar berdi.

Avtomobilning narxi 10,99 million rubl qilib belgilangan

Maʼlum qilinishicha, Rossiyaning Barnaul shahridagi avtosalonda Chevrolet Tahoe avtomobili 10,99 mln. rubldan (1,34 mlrd. soʻm) boshlab sotilmoqda. Tarqalgan fotosuratlarga qaraganda, avtomobil ZZ1 versiyasida taqdim etilgan boʻlib, iyukli panoramali tom, jigarrang charm interyer, raqamli asboblar paneli, tachskrinli media tizim, orqa yoʻlovchilar uchun monitor, uchinchi qator oʻrindiqlar va boshqalarni oʻz ichiga oladi.

Narxlar 18 million rublgacha chiqqan

Shuningdek, mamlakatning boshqa oʻlkalarida ham Chevrolet Tahoe sotuvga qoʻyilgan. Lekin ularning barchasi faqat buyurtma asosida sotiladi. Vladivostokda 16 mln. rubldan (1,9 mlrd. soʻm) sotilayotgan boʻlsa, Moskva viloyatida esa narxlar 18 mln. rublni (2,1 mlrd. soʻm) tashkil qiladi.

Avtomobilning O‘zbekiston bozoridagi narxi qanday?

Oʻz navbatida, avtomobil Oʻzbekiston bozorida ham sotuvda mavjud boʻlib, Chevroletʼning mamlakatdagi eng qimmat avtomobili hisoblanadi. Avtomobilning taxminiy narxi 1 mlrd. soʻmdan atrofida. Lekin hozirgi vaqtda avtomobillar savdo.uzavtosanoat.uz platformasida sotuvda mavjud emas.