O‘zbekistonda 2025-yilgi futbol mavsumi qachon boshlanishi ma’lum

O‘zbekiston Professional futbol ligasi rasmiy saytida 2025 yilgi yangi futbol mavsumi qachondan start olishi ma’lum qilindi.

Dastlabki ma’lumotlar

PFL rasmiy saytida 2025 yilgi musobaqalar ishchi taqvimi joylashtirilgan bo‘lib, unga ko‘ra Superliga yangi mavsumi 7-mart kunidan start olishi belgilangan. Xususan, 1-tur uchrashuvlari 7-8-9-mart kunlari o‘tkazilishi rejalashtirilgan. 2-tur o‘yinlari 14-15-16-martda o‘tkazilsa, FIFA kunlari doirasida O‘zbekiston milliy jamoasi 20-mart (Qirg‘iziston) va 25-mart (Eron) kunlari o‘z o‘yinlarini o‘tkazishi bois, 3-tur bahslari 27-30-mart kunlari bo‘lib o‘tadi. Kelayotgan mavsumda Superliga o‘yinlari asosan dam olish kunlari – shanba va yakshanbaga belgilangan.

1-davra tur o‘yinlari

Superliga-2025 1-davra tur o‘yinlari sanasi:

1-tur – 7-8-9-mart

2-tur – 14-15-16-mart

3-tur – 27-28-29-30-mart

4-tur – 4-5-6-aprel

5-tur – 11-12-13-aprel

6-tur – 18-19-20-aprel

7-tur – 25-26-27-aprel

8-tur – 2-3-4-may

9-tur – 9-10-11-may

10-tur – 16-17-18-may

11-tur – 23-24-25-may

12-tur – 30-31-may va 1-iyun

13-tur – 12-13-14-15-iyun.

Musobaqaga qur’a tashlash 

Musobaqaga qur’a tashlash marosimi 1-fevral kuni soat 18:00 da start oladi va u “Futbol TV” orqali jonli efirga olib chiqiladi. Qur’a jarayonida PFL quyidagi ketma-ketlikni inobatga oladi:

• a) mavsum startini o‘z maydonida boshlamasligi, biroq keyinchalik boshqa stadionga ko‘chib o‘tishi katta ehtimol bo‘lgan klublar;
• b) bir stadiondan foydalanishi ko‘zda tutilgan va shundan kelib chiqib juftlik hosil qilgan klublar;
• d) juftlik hosil qilmagan klublar.