Poytaxt supermarketlarida kartoshka narxi arzonlashdi
MHTI mutaxassislari tomonidan o‘tkazilgan monitoringga ko‘ra, Toshkentdagi yirik supermarketlarda kartoshka bilan birga sabzi, lavlagi, tuxum, sut va shakar narxi ham pasaygan.
1 daqiqa o‘qiladi
Makroiqtisodiy va hududiy tadqiqotlar instituti (MHTI) mutaxassislari Toshkent shahridagi yirik supermarketlarda 21 nomdagi oziq-ovqat mahsulotlari narxining o‘zgarishini o‘rgandi.
Qaysi mahsulotlarning narxi pasaydi?
Monitoring natijalari 6 nomdagi mahsulot bo‘yicha minimal narxlar o‘tgan oyga nisbatan pasayganligini ko‘rsatdi:
• Kartoshka – 26,1%
• Qizil sabzi – 11,3%
• Lavlagi – 8,2%
• Tuxum – 7,8%
• Sut – 0,9%
• Shakar – 0,4%
Kartoshka narxi pasayishiga Pokistondan import oshgani sabab bo‘lgan.
Qaysi mahsulotlarning narxi oshdi?
7 nomdagi mahsulot bo‘yicha minimal narxlar oshgan. Eng katta o‘sish oqbosh karamda kuzatildi. Bu mavsumiy omillar bilan bog‘liq. Bodring narxi ham oshgan, ammo o‘tgan yilning shu davriga nisbatan 30% arzon.
Narxi o‘zgarmagan mahsulotlar
7 nomdagi mahsulotning eng past narxlari o‘zgarishsiz qolgan. Bular — bug‘doy uni, guruch, grechka, makaron, olma, banan, tovuq go‘shti (file).
Ma’lumot uchun, ushbu monitoring 2025-yil 9-yanvar va 6-fevral kunlari o‘tkazilgan.
