Rossiyada migratsiya masalalari boʻyicha alohida idora tashkil etilishi mumkin

Rossiya Prezidenti Vladimir Putin migrantlar bilan ishlash uchun alohida idora yoki IIV tizimida maxsus boʻlinma tashkil etishni taklif qildi. U bu taklifni toʻgʻridan-toʻgʻri efir davomida bildirdi.  

Migrasiya siyosatida yangi yoʻnalish

Prezident Putin alohida idora tashkil etish masalasi boʻyicha koʻp muhokamalar boʻlganini ta'kidladi:  

"Bu borada juda koʻp bahslar boʻldi: biz alohida idora tashkil qilamizmi – bunday idora avval ham boʻlgan, yoki uni IIV doirasida qoldiramizmi. Menimcha, bugungi kunda Ichki ishlar vazirligi doirasida bu sohani mustahkamlash kerak", – dedi Putin.

Migrantlardan hurmat va qonunlarga rioya qilish talab qilinadi

Davlat rahbari migrantlarni atrof-muhit va jamiyatni hurmat qilishga majburlash uchun qonunlarni kuchaytirish zarurligini aytdi. Shuningdek, u mehnat unumdorligini oshirish orqali malakali boʻlmagan ishchilarga ehtiyojni kamaytirishni taklif qildi.  

Rus maktablari tarmogʻi – MDHdagi yangi tashabbus

Putin MDH davlatlarida rus tili, an'analar va Rossiya qonunlarini oʻrgatadigan rus maktablari tarmogʻini yaratish muhimligini ta'kidladi. Bu tashabbus migrantlarning Rossiya jamiyatiga tezroq integratsiya qilinishiga yordam beradi.  

Putin migrantlarning huquqlari poymol qilinmasligi va ular mahalliy aholiga qoʻshimcha yuk boʻlmasligiga katta ahamiyat berish kerakligini ta'kidladi.

Qonunlardagi yangiliklar

Maʼlumot uchun, 2024 yil 11-dekabr kuni Davlat Dumasi rus tilini bilmagan migrantlarning bolalarini maktabga qabul qilishni taqiqlovchi qonunni ma'qulladi. Shuningdek, 2025-yildan Rossiyada noqonuniy migrantlarni aniqlash uchun maxsus reyestr joriy etilishi rejalashtirilmoqda.  

Deportatsiya holatlari koʻpaymoqda

Migrasiya siyosati kuchaytirilayotganidan dalolat beruvchi yana bir fakt – chet el fuqarolarini Rossiyadan deportasiya qilish holatlari 50% ga oshganidir.