O‘zbekiston - jahon parlamentarizmining markazi

Tadbirda kimlar ishtirok etmoqda?

Dunyoning 140 ga yaqin mamlakatlarining 105 parlamenti yetakchilari va 2000 dan ziyod palament vakillari hamda 50 ta xalqaro tashkilotdan 110 nafar delegatsiya a’zolari ushbu xalqaro anjuman doirasidagi tadbirlarda ishtirok etishi kutilmoqda.

Yakunda Toshkent deklaratsiyasi qabul qilinishi kutilmoqda

“Ijtimoiy taraqqiyot va adolat uchun parlament harakati” mavzusida o‘tkaziladigan Assambleyaning turkum yig‘ilishlarida butun dunyo parlament delegatsiyalari tomonidan ko‘plab dolzarb masalar muhokama qilinadi. Forum yakunida ishtirokchi mamlakatlarning xalqaro hamkorlikning asosiy masalalari bo‘yicha yakdil pozisiyasini aks ettiruvchi dasturiy hujjat – Toshkent deklaratsiyasi qabul qilinishi nazarda tutilmoqda. 

Ma’lumot uchun, Parlamentlararo ittifoq (ingl. Inter-Parliamentary Union, IPU) – xalqaro parlament tashkiloti bo‘lib, parlamentlararo muloqotning eng yirik platformasi hisoblanadi. 1889-yilda tashkil etilgan, hozirda 181 mamlakat parlamentlarini birlashtiradi. 

Assanbleya butun xalqaro parlament diplomatiyasi tizimi uchun muhimdir

Parlamentlararo Ittifoqning O‘zbekistondagi 150-Assambleyasi nafaqat a’zo mamlakatlar, balki butun xalqaro parlament diplomatiyasi tizimi uchun alohida ahamiyatga ega. Zamonaviy tahdidlar sharoitida, davlatlar o‘rtasidagi hamkorlik zarurati dolzarb bo‘lib borayotgan bir paytda, bunday platformalar muloqotni yo‘lga qo‘yish, ishonchni mustahkamlash va global muammolarni hal qilish yo‘llarini birgalikda izlash imkonini beradi. 

O‘zbekiston mezbonlik orqali o‘zining global siyosatdagi faolligini namoyish etmoqchi 

Ushbu tadbirning O‘zbekistonda o‘tkazilishi uning global siyosatdagi faol rolini va xalqaro aloqalarni mustahkamlashga intilishini yana bir bor tasdiqlaydi. Mamlakatimizning konstruktiv muloqotni ilgari surish va diplomatik tashabbuslarni rivojlantirish borasidagi sa’y-harakatlari e’tirof etilganidan dalolat beradi.