Ўзбекистон ва Исроил ўртасида маслаҳатлашувлар ўтказилади

Ўзбекистон ташқи ишлар вазири вазифасини бажарувчи Бахтиёр Саидов Исроил элчиси Зеҳавит Бен Ҳиллелни қабул қилди.

Суҳбат чоғида Ўзбекистон-Исроил муносабатларининг ҳолати ва уларни янада ривожлантиришнинг устувор йўналишлари, БМТ ҳамда бошқа халқаро ташкилотлар доирасидаги ҳамкорлик масалалари муҳокама қилинди.

Савдо-иқтисодий ва инвестициявий алоқалар, инновация, тиббиёт, таълим ва туризм соҳаларидаги ҳамкорлик салоҳиятидан самарали фойдаланишга алоҳида эътибор қаратилди.