O‘zbekiston dunyodagi eng yirik oltin ishlab chiqaruvchilar orasida o‘ninchi o‘rinni egalladi
Eng ko‘p oltin ishlab chiqargan mamlakat Xitoy bo‘ldi — 378,2 tonna. Ikkinchi o‘rinda — Rossiya (321,8 tonna), uchinchi o‘rinda — Avstraliya (293,8 tonna).
1 daqiqa o‘qiladi
2023-yil yakunlariga ko‘ra, O‘zbekiston dunyodagi eng yirik oltin ishlab chiqaruvchilar orasida o‘ninchi o‘rinni egalladi. Bu haqda World Gold Council ma’lumotlariga tayanib, TASS maʼlumot berdi.
Bir yilda qancha oltin ishlab chiqarildi?
Qayd qilinishicha, 12 oy davomida O‘zbekistonda 119,6 tonna qimmatbaho metall ishlab chiqarildi.
Eng ko‘p oltin ishlab chiqargan mamlakat Xitoy bo‘ldi — 378,2 tonna. Ikkinchi o‘rinda — Rossiya (321,8 tonna), uchinchi o‘rinda — Avstraliya (293,8 tonna).
Oltin ishlab chiqaruvchilarning yetakchi o‘ntaligiga Kanada (191,9 tonna), AQSh (166,7 tonna), Gana (135,1 tonna), Indoneziya (132,5 tonna), Peru (128,8 tonna) va Meksika (126,6 tonna) ham kirdi.
Oltin va uning hosilalari eksporti bo‘yicha
Bundan tashqari, o‘tgan yil natijalariga ko‘ra, Shveytsariya oltin va uning hosilalari eksporti bo‘yicha birinchi bo‘ldi. Qimmatbaho metallni xorijda sotishdan bu mamlakat 107,2 milliard dollar daromad oldi. Ikkinchi o‘rinda — Buyuk Britaniya (65,3 milliard dollar), uchinchi o‘rinda — Xitoy (44,4 milliard dollar).
