Endi sun’iy intellekt ko‘proq neft qazib olishga yordam beradi

Rossiyalik olimlar sun’iy intellekt yordamida konlarga ikkinchi hayot beruvchi va murakkab zaxiralarni qazib olishga yordam beradigan “aqlli molekulalar”ni yaratdi. Reagentlar tufayli ularda neft oqimi yana oshadi.

Sun’iy intellekt asosida yaratilgan yangi molekulalar

Ishlanma Rossiyadagi ikkita universitetda sinovdan sinovdan o‘tkazilgan. SI yo‘riqnomasi bo‘yicha ilk namunalar “Gazprom neft” tomonidan ishlab chiqilgan. Olimlar sun’iy intellekt yordamida yangi kimyoviy molekulalarni ishlab chiqdilar, bu molekulalar murakkab konlarda uglevodorodlar qazib olish samaradorligini oshirishga yordam beradi. Ushbu molekulalar asosida yaratilgan reagentlar neft qazib olishni murakkab konlarda yaxshilaydi va Rossiya bo‘ylab mavjud konlarning ishlash muddatini uzaytiradi.

Birinchi namunalar “Gazprom Neft”ning Yamal-Nenets avtonom okrugidagi yetilgan konlaridan biri uchun pilot loyiha doirasida sintez qilingan. Ushbu molekulalarni yaratish uchun faqat Rossiyada mavjud xomashyo va texnologiyalar ishlatilgan. Kompaniya matbuot xabarida ta’kidlanishicha, sun’iy intellekt yordamida zarur molekulani yaratish jarayoni bor-yo‘g‘i 3 oy davom etgan, holbuki, bunday mahsulotlarning odatiy ilmiy laboratoriyalarda ishlab chiqilishi kamida 2 yil davom etadi.

Neft qazib olishda innovatsion yondashuv

Kazan federal universiteti va Tyumen davlat universitetida o‘tkazilgan sinovlar sintez qilingan moddaning samaradorligini tasdiqladi. Bu loyihaning texnologik hamkori “Gazprom Neft” uchun “INDUSTRIKS” akseleratori bitiruvchisi bo‘lgan startapdir. Keyingi hamkorlikni G‘arbiy Sibir va Orenburg viloyatidagi yirik konlarda neft qazib olishni kuchaytirishga qaratilgan yangi reagentlarni yaratishga yo‘naltirish rejalashtirilgan.

“Gazprom Neft”ning texnologik hamkorlik bo‘yicha bosh direktori Andrey Bochkov: “Gazprom Neft” ko‘magida ilmiy gipoteza ishlab chiqarishda o‘z samarasini isbotlagan mahsulotga aylandi va bugungi kunda keng miqyosda tatbiq etishga tayyor. Bu loyiha murakkab konlardan neft qazib olish samaradorligini oshirishga qaratilgan muhim sanoat muammolarini hal qilishda katta yutuq bo‘ldi”, dedi.