O‘zbekiston IIV Mubashshir Ahmadni qidiruvga berdi

Azon.uz sayti asoschisi va Azon Global tahliliy portal asoschisi, Mubashshir Ahmad taxallusi bilan tanilgan Alisher Tursunov qidiruvga berildi, deb xabar qildi O‘zbekiston IIVga tayanib Daryo nashri.

Sabab – diniy ekstremistik

Departament matbuot kotibi Shohrux G‘iyosovning ma’lum qilishicha, Tursunov O‘zbekiston Respublikasi Jinoyat kodeksining 244-2-moddasi – diniy ekstremistik, separatistik, fundamentalistik yoki taqiqlangan boshqa tashkilotlarni tashkil etish, ularga rahbarlik qilish va ularda qatnashish bo‘yicha qidiruvga berilgan.

Turkiyada qo‘lga olingan Mubashshir

Eslatib o‘tamiz, 2023-yil avgust oyida u bu qarorining sababini ko‘rsatmasdan turib, islomiy mavzularga ixtisoslashgan barcha Azon.uz loyihalari yopilishini e’lon qilgan edi. Keyinchalik yangi Azon Global portali ishga tushirilgan.

2023-yil dekabrida Tursunov huquq-tartibot idoralari tomonidan Turkiyada qo‘lga olingan, biroq oradan bir yarim oy o‘tib deportatsiya markazidan qo‘yib yuborilgan.