Yetim bolalarni asrab olgan oilalarga bolalarning kiyim-kechak va poyabzal xarajatlari qoplab beriladi
2025-yildan boshlab, yetim bolalarni o‘z tarbiyasiga olgan oilalar davlat tomonidan moddiy qo‘llab-quvvatlanadi.
1 daqiqa o‘qiladi
O‘zbekistonda yetim bolalar va ota-ona qaramog‘idan mahrum bo‘lgan bolalar taqdirini yaxshilashga qaratilgan yangi hujjat qabul qilindi. Hukumatning 2024-yil 27-dekabrdagi 893-sonli qaroriga binoan, bu sohada muhim o‘zgarishlar amalga oshirilishi belgilandi.
Yangi hujjat nimalarni nazarda tutadi?
Hukumat qaroriga ko‘ra, quyidagi nizomlar tasdiqlandi:
Voyaga yetmagan shaxslarga nisbatan vasiylik va homiylik organi to‘g‘risidagi nizom;
— Vasiylik va homiylik belgilash tartibi to‘g‘risidagi nizom;
— Yetim bolalar va ota-ona qaramog‘idan mahrum bo‘lgan bolalarni farzandlikka olish tartibi to‘g‘risidagi nizom;
— Bolalar uylari to‘g‘risidagi nizom;
— Mehribonlik uylari to‘g‘risidagi nizom;
— Kichik hajmli bolalar uylari to‘g‘risidagi nizom.
Oilalarga moddiy yordam ko‘rsatish mexanizmi
2025-yildan boshlab, yetim bolalarni o‘z tarbiyasiga olgan oilalar davlat tomonidan moddiy qo‘llab-quvvatlanadi. Bunda quyidagilar rejalashtirilgan:
Oylik to‘lovlar: Tarbiyaga olgan ota-onalarga har oy moliyaviy yordam to‘lanadi.
Kiyim-kechak va poyabzal xarajatlari: Bolalarning kiyim-bosh va poyabzal xarajatlari uchun mablag‘lar ajratiladi.
Bu mablag‘lar Ijtimoiy himoya milliy agentligi tomonidan respublika byudjetidan amalga oshiriladi.
Hududiy komissiyalar faoliyati tugatiladi
2025-yil 1-fevraldan boshlab, tuman va shahar hokimliklari huzuridagi yetim bolalar va ota-ona qaramog‘idan mahrum bo‘lgan bolalar masalalari bo‘yicha vasiylik va homiylik komissiyalari faoliyatini tugatish rejalashtirilgan.
