Шавкат Мирзиёев Москвадаги Ислом Каримов хиёбонида бўлди

Бугун Шавкат Мирзиёев Ўзбекистоннинг Москва шаҳридаги элчихонаси яқинида жойлашган Ислом Каримов хиёбонига ҳам ташриф буюрди. Бу ҳақда Президент матбуот хизмати хабар берди.

Хабарда қайд этилишича, Шавкат Мирзиёев буюк давлат ва сиёсат арбоби, ўзбек халқининг улуғ ва ардоқли фарзанди, мамлакатимизнинг Биринчи Президенти ҳайкали пойига гулчамбар қўйди, унинг ёрқин хотирасига ҳурмат бажо келтирди. 

Маълумот учун: Ислом Каримов хотирасига 2018 йилнинг 18 октябрь куни Москва шаҳрида ҳайкал ўрнатилган.