Rossiyada migrantlar uchun qattiqroq talablar: ish ruxsatnomalari 40% ga oshdi, patentlar cheklanmoqda

2024-yilda Rossiyada ishlashni istagan chet elliklar uchun ish ruxsatnomalari va patent berish bo‘yicha yangi tartiblar kuchga kirdi. Ichki ishlar vazirligi ma’lumotlariga ko‘ra, yil boshidan buyon mehnat migrantlariga berilgan ish ruxsatnomalari soni 40% ga oshgan, bu esa mamlakatdagi yuqori malakali mutaxassislarga bo‘lgan ehtiyojning o‘sishini ko‘rsatadi. Ammo, boshqa tomondan, Rossiyada ishlash uchun patent olish talablari kuchaytirilib, mehnat bozoriga kirishning yangi qoidalari belgilangan.

Ish ruxsatnomalari va yangi tartiblar

“O‘zbekistondan kelgan migrantlar soni ortib bormoqda, ammo Rossiya bozorida ularning huquqiy ahvoli va ish bilan ta’minlanishi bo‘yicha qator o‘zgarishlar yuz bermoqda. Rossiyada 2024-yilning to‘qqiz oyida mehnat migrantlariga berilgan ish ruxsatnomalari soni o‘tgan yilga nisbatan 40% ga ko‘payib, 120 mingdan oshgan”, – .deb xabar berdi Ichki ishlar vazirligi.

Rossiyada ish ruxsatnomasi nima uchun kerak?

Rossiyada chet elliklar uchun ish ruxsatnomalari miqdori oshdi. Joriy yilda yuqori malakali mutaxassislar uchun berilgan hujjatlar soni o‘tgan yilga nisbatan 55% ga oshib, 34,9 mingga yetdi. Bu ruxsatnomalar Rossiyada ishlashni qonuniylashtiradi va asosan vizali davlatlar fuqarolari uchun amal qiladi, jumladan, Xitoy, AQSh va Germaniya kabi davlatlardan kelganlar uchun mo‘ljallangan.

Patent olish tartibi

Ichki ishlar vazirligining “Izvestiya”ga bergan ma’lumotlariga ko‘ra, 2024-yilda to‘qqiz oy davomida berilgan patentlar soni 1,7 milliondan 1,6 millionga kamaygan.

Vazirlik vakili Vadim Kojinovning ta’kidlashicha, ushbu hujjatni olgan migrantlar asosan taksi, qurilish, savdo, ta’mirlash va umumiy ovqatlanish sohalarida ishlaydi.

Shuningdek, ushbu davr mobaynida vaqtinchalik yashash uchun ruxsatnoma olish deyarli ikki barobar kamayib, 38 mingni tashkil etdi, deya xabar berdi Ichki ishlar vazirligi. Doimiy yashash guvohnomasini olish esa 20% ga kamayib, 2024-yil yanvar–sentabr oylarida 169 mingta bo‘lgan.

Vizasiz davlatlardan, jumladan, O‘zbekiston, Tojikiston va Ozarbayjondan kelgan migrantlar uchun Rossiyada ishlash huquqini beruvchi patent olish talab etiladi. Ular faqat hujjat berilgan hududda ishlash huquqiga ega bo‘ladi. Lekin vaqtinchalik yashash uchun ruxsatnoma (RVP) yoki doimiy yashash guvohnomasi (VNH)ga ega bo‘lganlarga patent olish shart emas.

Migratsiya qonunchiligidagi o‘zgarishlar

2024-yilda Rossiyada migratsiya qonunchiligi sezilarli darajada kuchaytirildi. Endi soxta nikoh orqali qonuniy maqom olish yoki farzand tug‘ilishi bilan ro‘yxatdan o‘tish kabi noqonuniy usullarni cheklash uchun qator chora-tadbirlar joriy qilindi. Shu bilan birga, noqonuniy migratsiyani tashkil qilganlik uchun jinoiy javobgarlik kuchaytirildi, va endi buning uchun sakkiz yildan 15 yilgacha ozodlikdan mahrum etish jazosi tayinlanishi mumkin.

Ish ruxsatnomalaridagi o‘zgarishlar nima uchun kerak

Rossiyadagi kadrlar tanqisligi chet ellik ishchilarga bo‘lgan talabni oshirmoqda. Mamlakatda ishsizlik darajasi rekord darajada past — 2,4% ni tashkil etadi. Bu qator sohalarda ish haqlarining o‘sishini qo‘llab-quvvatlaydi va mehnat bozorida raqobatni oshiradi.