Tarixdagi eng issiq yil 2024-yil bo‘ladi

2024-yil tarixdagi eng issiq yil bo‘lishi kutilyapti. Bu haqda Yevropaning Yerni masofadan zondlash xizmati Copernicus bayonot berdi.

0,76 darajaga yuqori

Hisobotga ko‘ra, joriy yilning 10 oyida o‘rtacha global harorat 1991-2020 yillardagi ko‘rsatkichdan 0,71 darajaga yuqori bo‘lgan.

Oxirgi 12 oy davomida (2023-yil iyuldan 2024-yil iyungacha) global o‘rtacha harorat 1991-2020 yillardagi o‘rtacha haroratdan 0,76 darajaga yuqori bo‘lgani qayd etildi.

Xavfli alomat

“Bu global harorat rekordlari tarixidagi yangi bosqichni anglatadi”, dedi Copernicus direktori o‘rinbosari Samanta Berjyess. Uning so‘zlariga ko‘ra, hozirgi vaziyat Bokuda bo‘lib o‘tadigan BMTning iqlim o‘zgarishi bo‘yicha COP29 konferensiyasi “ahamiyatini oshirish” uchun katalizator bo‘lishi kerak.

2024-yil nafaqat rekord darajadagi eng issiq yil bo‘ladi, balki sanoatgacha bo‘lgan davr darajasidan 1,5°C yuqori bo‘lgan psixologik muhim chegaradan oshib ketgan birinchi kalendar yili bo‘ladi.

Xavfli rekordni oldini olish uchun yilning qolgan oylarida sayyoradagi o'rtacha harorat nolga tushishi kerak.