O‘zbekiston mustaqillik tarixida ilk bor gaz eksportchisidan importchisiga aylandi

Joriy yilning o‘n bir oyi yakuniga ko‘ra, O‘zbekiston gaz importini sezilarli darajada oshirdi. Bu haqda Statistika agentligi ma’lumotida keltirilgan.

16,5 % o‘sish

Yanvar—noyabr oylarida Turkmaniston va Rossiyadan “ko‘k yoqilg‘i” importi 2,8 baravarga oshib, $1,55 mlrd.ga yetdi. Oylik tabiiy gaz yetkazib berish $186,8 mln.ni tashkil etdi. O‘tgan yil yakunlariga ko‘ra, O‘zbekiston mustaqillik tarixida ilk bor gaz eksportchisidan gaz importchisiga aylandi.

O‘tgan oyda Xitoyga gaz eksporti oktyabr oyiga nisbatan biroz sekinlashdi — $60,9 mln.dan $53 mln.gacha. Yil boshidan buyon “ko‘k yoqilg‘i” yetkazib berish $593,4 mln. (yilga nisbatan 16,5% o‘sish) ni tashkil etdi.

Ma’lumotlar biroz farqli

Biroq Statistika agentligi ma’lumotlari Xitoy Bosh bojxona boshqarmasi ma’lumotlaridan biroz farq qiladi, unga ko‘ra O‘zbekiston joriy yil boshidan buyon $667,3 mln.lik gaz eksport qilgan, bu o‘tgan yilning xuddi shu davriga nisbatan 27,1% ga ko‘pdir.

Bundan tashqari, Xitoy bojxonasi O‘zbekistondan tabiiy gaz yetkazib berishning oylik hajmi oktyabr oyidagi $88,93 mln.dan noyabr oyida $79,4 mln.gacha qisqarganini haqida xabar berdi. Shunga qaramay, bu 2023-yildagi tegishli ko‘rsatkichdan 45,5%ga ko‘pdir.