FIFA 2024-yilning eng yaxshilari nomini e’lon qildi

17-dekabr oqshomida Qatarda FIFA tomonidan The Best sovrinining navbatdagi taqdirlash marosimi o‘tkazildi. Unda turli nominatsiyalar bo‘yicha g‘oliblar nomi e’lon qilindi. 

Yilning eng yaxshi futbolchisi

Brazilya terma jamoasi hamda “Real Madrid” jamoasi a’zosi Vinisius FIFA talqiniga ko‘ra, o‘tgan mavsumning eng yaxshi o‘yinchisi deb topildi. Ushbu nominatsiyaga Jud Bellinghem, Dani Karvaxal, Kilian Mbappe, Federiko Valverde (“Real”), Erling Holand, Rodri (“Manchester Siti”), Toni Kroos, Lionel Messi (“Inter Mayami”), Florian Virts (“Bayer”) va Lamin Yamal (“Barselona”) ham da’vogarlik qilgan edi.

Yilning eng yaxshi murabbiyi 

Yilning eng yaxshi murabbiyi ham Ispan jamoasi a’zosiga nasib qildi. Karlo Anchelotti FIFA ta’lqininga ko‘ra yilning eng yaxshi murabbiyi deb topildi. Pep Gvardiola (“Manchester Siti”), Lionel Skaloni (Argentina milliy jamoasi), Luis de la Fuente (Ispaniya milliy jamoasi) va Xabi Alonso (“Bayer”) ham nomzodlar qatoridan joy olgandi.

Yilning eng yaxshi darvozaboni

“Aston Villa” futbol klubi hamda Argentina terma jamoasi darvozaboni Emiliano Martines FIFA tomonidan o‘tgan mavsumning eng yaxshi darvozaboni deb topildi. Nomzodlar qatorida Andrey Lunin, David Rayya, Ederson, Janluiji Donnarumma, Mayk Menyan va Unai Simon singari darvozabonlar bor edi.

Yilning eng chiroyli goli

“Manchester Yunayted”ning argentinalik yarimhimoyachisi tomonidan 2023 yilning 26 noyabr kuni “Everton” darvozasiga akrobatik usulda yo‘llagan supergol kutilganidek, FIFA tomonidan yil goli deb topildi.

Ramziy jamoa

FIFA talqiniga ko‘ra, o‘tgan mavsum ramziy jamoasidan quyidagi futbolchilar o‘rin oldi:

Darvozabonlar: Emiliano Martines

Himoyachilar: Dani Karvaxal, Antonio Ryudiger, Ruben Diash, Vilyam Saliba

Yarimhimoyachilar: Rodri, Jud Bellinghem, Toni Kroos, Lamin Yamal

Hujumchilar: Erling Holand, Vinisius.

O‘zbekiston vakillari kimlarni tanladi? 

The Best-2024 marosimi yakunlanganidan biroz muddat o‘tib, FIFA so‘rovnomasida O‘zbekiston milliy jamoasi bosh murabbiyi, sardori va media bo‘lim rahbari kimlarga ovoz bergani ma’lum bo‘ldi. 

Bosh murabbiy Srechko Katanetsning uchligi: 

1. Dani Karvaxal

2. Vinisius Junior

3. Rodri

Jamoa sardori Eldor Shomurodovning uchligi: 

1. Lamin Yamal

2. Vinisius Junior

3. Erling Holand

Media bo‘lim rahbari Davron Fayziyevning uchligi: 

1. Vinisius Junior

2. Rodri

3. Jud Bellinghem

Murabbiylar va jurnalistlar kimni tanladi?

Ma’lumot uchun g‘olibni aniqlashda FIFA tomonidan milliy jamoalar murabbiylari va sardorlari, jurnalistlar hamda muxlislar o‘rtasida so‘rovnomalar tashkil etilgan. Murabbiylardan Vinisius 438, Rodri 461, Bellinghem 191; sardorlardan braziliyalik 617, ispaniyalik 373, ingliz 164 ochko olgan bo‘lsa, jurnalistlar ko‘proq “Manchester Siti” yarimhimoyachisini afzal ko‘rishdi — 543 ochko, Vinisius va Bellinghem mos ravishda 538 va 183 ball olishdi. Shuningdek, muxlislar o‘rtasida o‘tkazilgan so‘rovda Rodri Madrid jamoasining ikkala futbolchisini ham ortda qoldirdi — 264 835 ovoz. Bu borada Vini 1 147 276, Jud 460 887 ovoz oldi.