Atrofni to'liq eshitishga yordam beruvchi eshitish apparati yaratildi

Eshitish apparatlari — tovushni kuchaytirib beradigan asboblar. Eshitish pasayganda, karlikda ishlatiladi. Hozirgi zamon eshitish apparatlari tovushni kuchaytirib berishga asoslangan. Eshitish apparatlarining koʻzoynakka oʻxshash, shuningdek, choʻntakda turadigan xillari bor. Eshitish apparatlaridan foydalanganda koʻpincha eshitish, xususan, nutq ancha yaxshilanadi.

10 yil kafolatga ega eshitish qurilmasi

Massachusets texnologiya instituti (MIT) mutaxassislari butunlay mustaqil eshitish apparati prototipini yaratdi. Eshitish qobiliyati zaiflar uchun koxlear qurilma 10-yil xizmat qilish uchun mo‘ljallangan. Tadqiqot Journal of Micromechanics and Microengineering jurnalida chop etildi.

Odatda bunday gadjetlarning mikrofoni va batareyasi qo‘shimcha ravishda bosh tomoniga joylashtiriladi. Mutaxassislar akkumulyatorning 10 yil ishlashga mo‘ljallangan mitti implant prototipini yaratishdi.

Shuningdek, implant biomoslashuvchan pezoelektrik materialdan tayyorlangan bo‘lib, quloq pardasi pastki qismidagi daqiqali harakatlarni o‘lchaydi. Qurilmani ishlatish uchun zarur bo‘lgan elektr zaryadi siqish yoki kuchlanish natijasida hosil bo‘ladi. Implant o‘lchami 3 dan 3 millimetrga, qalinligi 200 mikrometrga teng mikrofonga ega. U tananing o‘zgaruvchan va nam muhitida ishlashi mumkin.

Endilikda eshitishi zaiflar infratovushlarni ham eshita oladi

Olimlar materiallardan biri sifatida qimmat , ammo juda amaliy komponent bo‘lgan polivinilidenftoriddan foydalanishgan. Ular, shuningdek, odam eng sekin tovushlarni ham eshitishi uchun kuchaytirgichlarning o'zlarini ham ishlab chiqdilar. Hozirda tadqiqotchilar koxlear implantni hayvonlarda sinab ko‘rishga tayyorgarlik ko‘rishmoqda.

Iyun oyi o‘rtalarida esa milliarder Ilon Mask kelajakda odamlar bir-biri bilan muloqot qilish uchun telefonlar o‘rniga miya implantatsiyasidan foydalanishini aytgan edi. Maskning so‘zlariga ko‘ra, uning Neuralink startapi shu kabi qurilmalar ustida ishlamoqda.