Nodirbek Abdusattorov 11 ming AQSh dollari ishlab topdi?
O‘zbekistonlik sportchi Superbet Poland 2024 turnirida oltinchi o‘rinni egalladi.
1 daqiqa o‘qiladi
Varshavada o‘tkazilgan Superbet Rapid & Blitz Poland 2024 turnirida o‘zbekistonlik grossmeyster Nodirbek Abdusattorov ishtirok etdi.
Rapid bo‘yicha 8 va blits bo‘yicha 9,5 ochko
Hamyurtimiz rapid yo‘nalishida 8 ochko, blits bo‘yicha esa 9,5 ochko jamg‘arib, oltinchi o‘rinni egalladi. O‘zbekistonlik grossmeyster 11 ming dollar ishlab topgan.
Umumiy mukofot jamg‘armasi 175 ming dollar
Ma’lumot uchun, Superbet Rapid & Blitz Poland 2024 musobaqasining umumiy mukofot jamg‘armasi 175 ming dollarni tashkil qilgan. Norvegiyalik Magnus Karlsen esa turnir g‘olibi bo‘ldi va 40 ming dollar ishlab topdi.
Rapid bo‘yicha natijalar
10 nafar grossmeyster ishtirok etgan musobaqaning rapid bahslarida 1-o‘rin xitoylik Vey I ga nasib etdi. U bahslar davomida 13 ochko ishlashga muvaffaq bo‘ldi. Blits bahslarining 3-turida Nodirbek Abdusattorovga imkoniyatni boy bergan Magnus Karlsen esa rapidda 2-o‘rinni egalladi.
Umumiy natijalarga ko‘ra, Rapid yo‘nalishida Karlsen birinchi, Vey I ikkinchi, Abdusattorov esa oltinchi o‘rinni egalladi.
Superbet Rapid & Blitz Poland turniri
7-12-may kunlari Polsha Respublikasi poytaxti Varshava shahrida bo‘lib o‘tgan Superbet Rapid & Blitz Poland superturnir hisoblanadi. Turnir bu yilgi Grand Chess Tour seriyasining birinchi bosqichidir.
